Cinque Terre I

Þessi geysivinsæla ferð kemur í tveimur útgáfum 2024, Cinque Terre I (11.-18. maí 2024) er með 7-15 km dagleiðum en einnig er í boði Cinque Terre II  (21.-28. maí 2024) með 15 – 25 km dagleiðum. Dagskráin er að öðru leyti eins. Ferðast verður með okkar rútu frá flugvelli Milano að Monterosso al Mare.  Þar verða höfuðstöðvar okkar þegar við flökkum um þetta stórkostlega svæði, Cinque Terre.

Cinque Terre eða Þorpin fimm, eru afskekkt sjávarþorp í Ítölskum þjóðgarði og eru á heimsminjaskrá UNESCO. Þorpin urðu vinsæll ferðamannastaður eftir að þau urðu aðgengileg með lestum á 20. öldinni. Þorpin eru þekkt fyrir ótrúlega fegurð og eru fullkominn áfangastaður fyrir göngu- og hlaupaferðir. Svo má ekki gleyma að Ítalir eru þekktir fyrir góðan mat og frábæran ís. Meðalhiti í maí eru 18°C, fullkomið hlaupaveður!

  • Maí 2024
  • Skráning er opin
  • Verð: 259.000 kr.
  • Lengd: 8 dagar
  • Dagsetningar: 11.-18. maí 2024
  • Erfiðleikastig: Létt til miðlungs
  • Hópastærð: 12-20
  • Verð fyrir áskrifendur: 249.000 kr.
00

Dagar Dagur

00

Klst Klst

00

mín Mín

Hreyfing og fegurð

Markmið ferðarinnar er að njóta þess að hreyfa sig í fallegri náttúru. Dagleiðirnar verða á bilinu 7-15 km í fjöllum í þessari ferð en 15-25 km í CT II. Lengstu dagleiðunum er yfirleitt skipt í tvennt þar sem hægt er að fá sér hádegismat og skoða sig um áður en haldið er áfram. Einnig verður í boði að stytta lengstu dagleiðirnar án þess að missa af þorpunum.

Allir ættu því að geta fundið eitthvað við sitt hæfi.

Við gistum í bænum Monterosso al Mare, huggulegum sjávarbæ. Hótelið er nálægt lestarstöðinni, en lestarferðir verða mikið nýttar.

Stefnt er að því að hlaupa alla dagana nema einn, en þá verður hægt að komast á ströndina, versla eða fara í siglingar.

Fyrir hverja

Í fyrsta skiptið bjóðum við upp á tvær útgáfur af þessari vinsælu ferð. Þessi ferð (CT-I) fer aðeins styttri dagleiðir en hefðbundna ferðin og CT-II fer aðeins lengri dagsleiðir en hefðbunda ferðin.

Báðar ferðir eru opnar öllum en ársáskrifendur Hlaupasamfélags Náttúruhlaupa fá sérverð.

Cinque Terre I er hugsuð fyrir hægari og meðalhraða hlaupara ásamt vönu göngufólki. Farið verður 7-15 km dagleiðir og hækkun getur verið umtalsverð. Lagt er upp með að njóta og fara rólega yfir.

Miða má við að vera 2-5 klst á fótum á hverjum degi, en það verður mikið gengið þar sem um fjöll og mikilfenglegt landslag er að ræða. Gengið verður upp flest allar brekkur en hlaupið á jafnsléttu og niður á við.

Álagið er upplagt fyrir appelsínugula og vínaruða í hlaupasamfélagi Náttúruhlaupa og jafnvel gullgula eða og fólk sem hleypur reglulega 6-10 km eða vant göngufólk. Markmiðið er að njóta þess að hreyfa sig í góðu veðri í fallegri náttúru og því ætti enginn að verða útundan.

Hægt er að komast á hvern áfangastað með þægilegum opinberum samgöngum. Upplagt er því að taka t.d. maka með sem er ekki hlaupandi og hann getur hitt hópinn á áfangastað. Einnig má auðveldlega sleppa úr hlaupi einn og einn dag.

Fyrir hraðari hlaupara (hraðir vínrauðir og upp úr í hlaupasamfélaginu) bendum við á Cinque Terre II.

Fararstjórn

Ingvar og Ingibjörg á Cinque Terre svæðinu

Ingvar Hjartarson og Ingibjörg Tómasdóttir verða fararstjórar ferðarinnar.

Ingvar og Ingibjörg voru bæði í verkfræðinámi á Ítalíu og þekkja vel til svæðisins og ítölsku menningarinnar. Þau voru farastjórar í fyrstu Cinque Terre ferðinni og eru höfundar þessarar vinsælu ferðar.

Ingvar er margreyndur hlaupari sem eflaust margir þekkja. Hann hefur verið leiðtogi í hlaupasamfélagi Náttúruhlaupa síðan 2017, þjálfað á grunnnámskeiðum Náttúruhlaupa ásamt því að þjálfa skokkhópa og byrjendanámskeið síðan 2015. Sem betur fer fyrir okkur hin, kann hann líka að hlaupa hægt 😁

Ingibjörg kynntist náttúruhlaupum á Ítalíu árið 2018 og er töluvert hægari hlaupari. Hún mun hvetja fólk til að njóta náttúrunnar og sjá til þess að allir skili sér kátir til byggða eftir hvert hlaup.

Innifalið í verði:

Gisting – 7 nætur í Monterosso al Mare

Matur – Morgunmatur innifalinn alla daga Kvöldmatur á degi 2 og 7

Allar samgöngur – fyrir utan flug

Fararstjóri / leiðsögn allar leiðirnar

Dagspassi í Cinque Terre (bara þennan eina dag sem við munum nota hann)

Ekki innifalið í verði:

Flug til og frá Mílanó

Hádegisverður, drykkir

Kvöldmatur (fyrir utan tvö kvöld).

Dagskrá ferðarinnar

Dagskrá: Ath. Breytingar geta orðið á dagskrá, hvað varðar lengd og uppröðun hlaupaleiða.

Hægt er að fá beint flug báðar leiðir með Icelandair sem við miðum ferðina út frá. Þeir sem vilja koma fyrr eða fara seinna og gera meira út úr fríinu geta gert það en allir þurfa að vera á flugvellinum í Mílanó þegar vélin frá Icelandair lendir síðdegis því þaðan fer okkar rúta með okkur til Monterosso al Mare þar sem við gistum allar 7 næturnar.

Hótelið í Monterosso al Mare býður ekki upp á kvöldverð en nokkrir huggulegir veitingastaðir eru í bænum. Fólk velur því sjálft hvar það borðar kvöldmat en þó verður sameiginlegur kvöldmatur á degi 2 og síðasta kvöldið.

Á degi 5 (15. maí) er hvíldardagur/frídagur. Hægt að fara á ströndina, versla, siglingar o.fl. Boðið verður upp á auka hlaup fyrir þá sem vilja.

Aðra daga að undanskildum ferðadögum er hlaupið/gengið á skemmtilegum stígum á þessu fallega svæði. Ferðast verður á milli staða með opinberum samgöngum (innifalið í verðinu).

Okkar rúta fer með okkur beint á flugvöllin í Mílanó síðasta daginn.

Dagur 1

Mílanó
Laugardagur 13.maí

– Ferðalag til Mílanó. Hægt að fá beint flug með Icelandair sem lendir síðdegis. Hugsanlega er hægt að fá ódýrara flug með því að fljúga í gegnum London. Þeir sem vilja geta komið fyrr og gert meira úr fríinu.

– Þægilegar lestar – og strætósamgöngur eru á milli flugvallarins og lestastöðvarinnar í Mílanó en hótelið er í göngufæri þaðan. Þeir sem koma með beina fluginu halda hópinn en áætlaður lendingartími vélarinnar er kl. 14:35

– Tékkað inn á hótelið okkar. Dagskráin hefst svo formlega daginn eftir.

Dagur 2

Monterosso
Sunnudagur 14.maí

– Eftir morgunmat á hótelinu förum við í létt útsýnisskokk um Mílanó.

– Lest frá Mílanó til Htl Palme, í Monterosso al mare, þar sem gist verður það sem eftir er ferðarinnar. Ferðalagið tekur um 3 klst.

– Tékkað inn á hótelið í Monterosso á milli kl 15-16 og förum í u.þ.b. 8km hlaup frá Monterosso til Levanto. Lest tilbaka.

– Borðum saman kvöldmat á veitingastað nálægt hótelinu.

Dagur 3

Þjóðgarðurinn (8km + 12km)
Mánudagur 15.maí

– Hlaup til Vernazza, Corniglia (8km) og þaðan til Manarola/Riomaggiore (ca 12km fjallahlaup með 700-900 m hækkun.

– Allir taka fyrra hlaupið en hægt að taka lest fyrir þá sem vilja sleppa seinna hlaupinu.

Dagur 4

Riomaggiore - Portovene - La Spezia (13km + 16km)
Þriðjudagur 16.maí

– Lest um morguninn til Riomaggiore

– 13km fjallahlaup (Riomaggiore -> Portovenere)

– Sigling til baka til Monterosso.

Dagur 5

Hvíldardagur
Miðvikudagur 17.maí

– Þessi dagur er frjáls

– Hægt að fara á ströndina, versla, siglingar o.fl.

– 10-15km fjallahlaup í nágreni Monterosso fyrir þá sem vilja, mikið af leiðinni búið að fara áður.

Dagur 6

Dagsferð til Portofino skagans
Fimmtudagur 18.maí

– Lest til S. Marcherita Ligure.

– 16 eða 25 km hlaup um helstu bæi og útsýnisstaði Portofino skagana.

– Lest til baka til Monterosso að degi loknum.

Dagur 7

Hlaup meðfram sjávarlengjunni (8-15km)
Föstudagur 19.maí

– Lest til Levanto og hlaupið til norðurs meðfram sjávarlengjunni – 8-15km.

– Borða saman á veitingastað síðasta kvöldið í Monterosso

Dagur 8

Mílanó og ferðalagið heim
Laugardagur 20.maí

– Tékkað út af hóteli

– Stutt lestarferð til La Spezia þar sem rúta bíður okkar sem mun keyra okkur alla leið á Malpensa flugvöllin við Milano (ca 3,5 tíma keyrsla). Miðað við flugið með Icelandair sem fer kl. 15:35. Þeir sem ætla hugsanlega að lengja ferðina verða eftir í Milanu, þurfa að láta vita fyrirfram.

Umsagnir


Veit ekki hvort það sé hægt að toppa þessa ferð hún sprengdi alla hamingjuskala. Mæli svo sannarlega með þessari ferð.

Borghildur


Frábær ferð í alla staði, ótrúlega fallegar hlaupaleiðir og frábærir fararstjórar. Mæli svo sannarlega með þessari ferð.

Anna Sigríður Arnardóttir


Mögnuð ferð sem verður seint toppuð. Þvílík upplifun og fegurð. Geggjuð ferð til að njóta í geggjuðum félagsskap. Ingvar og Þóra Bríet voru frábærir fararstjórar. Vel skipulögð og ótrúlega fær að takast á við óvæntar uppákomur. Treysti þeim 100%. Myndi svooo mikið mæla með þessari ferð!

Dagmar


Þessi ferð var ólýsanlega geggjuð á allan hátt, ekki hægt að færa upplifunina í orð 🙂


Ferðin var frábær í alla staði. Fullkomnar hlaupaleiðir og frábært skipulag. Hentar fólki á öllum aldri.


Virkilega vel skipulögð ferð þar sem hugsað var fyrir öllum smáatriðum. Fararstjórarnir dekruðu við okkur á alla kanta og voru alltaf skrefi á undan þegar óvæntir hlutir komu upp. Vel haldið utan um hópinn og fyrir vikið upplifði ég afslappað frí sem bauð upp á frábærar hlaupaleiðir, dásamlegt útsýni, góðan félagsskap þar sem hægt var að njóta alls þess besta sem Ítalía býður upp á.


Einstaklega frábær ferð í alla staði, gleði, samheldni og kraftur sameinaðist þarna í allri þessari náttúrufegurð.


Ferðin var frábær í alla staði. Fullkomnar hlaupaleiðir og frábært skipulag. Hentar fólki á öllum aldri.


Frábær ferð í alla staði. Gott skipulag, einstakir fararstjórar og ferðafélagar.

Cinque Terre I

  • Maí 2024
  • Dagsetningar: 11.-18. maí 2024
  • Skráning er opin
  • Verð: 259.000 kr.
  • Verð fyrir áskrifendur: 119.000 kr.
  • Lengd: 8 dagar
  • Erfiðleikastig: Létt til miðlungs.
  • Hópastærð: Um 20. Ef lágmarks þátttaka næst ekki, áskiljum við okkur rétt að afboða, fresta eða sameina.
  • Fararstjórar: Ingvar og Ingibjörg Tómasdóttir
  • Tengiliður/nánari upplýsingar: [email protected]
Náttúruhlaup eru rekin af Arctic Running. Við leggjum áherslu á að njóta þess að hlaupa í fallegri náttúru. Kennitala: 5­701­12-03­10. VSK númer 122691.
Skráðu þig á póstlista
Fáðu fréttir af Náttúruhlaupum.
Öll réttindi áskilin © Náttúruhlaup

Náttúruveitan
Fáðu fréttirnar fyrst

Skráðu þig á póstlista Náttúruhlaupa og fáðu vita um leið og við opnum fyrir skráningu á námskeiðum, setjum út nýjar ferðir eða gerum eitthvað annað spennandi. Öll tækifærin beint í innhólfið 😊

"*" indicates required fields

Náttúruveitan
Fáðu fréttirnar fyrst

Skráðu þig á póstlista Náttúruhlaupa og fáðu vita um leið og við opnum fyrir skráningu á námskeiðum, setjum út nýjar ferðir eða gerum eitthvað annað spennandi. Öll tækifærin beint í innhólfið 😊

"*" indicates required fields