Bakgarður 101
Bakgarður 101 er systurkeppni Bakgarðs Náttúruhlaupa sem fer fram í Heiðmörk í september ár hvert. Keppnin fer fram í Öskjuhlíð, frá Mjölnisheimilinu, 29. apríl 2023.
Keppnin verður haldin í annað sinn þann 29. apríl 2023. Keppnin hefst við Mjölnisheimilið í Öskjuhlíð og fer leiðin um skemmtilega stíga Öskjuhlíðar og góða göngustíga meðfram henni og Nauthólsvík (um 60% malar- og náttúrustígar og 40% malbik).
Keppnin verður með hefðbundnu sniði bakgarðshlaupa og fer eftir ákveðinni uppsetningu og reglum (http://backyardultra.com/rules/). Hlaupinn er rúmlega 6,7km hringur á hverjum klukkutíma. Sá sem hleypur flesta hringi er sá eini sem klárar hlaupið og stendur uppi sem sigurvegari. Til að klára hlaupið verður viðkomandi að klára síðasta hringinn einn. Hver hringur byrjar alltaf á heila tímanum og er mikilvægt að keppendur séu komnir í ráshólfið og hlaupi af stað þegar bjallan hringir á heila tímanum. Hlauparar sem eru ekki komnir í ráshólfið á heila tímanum þegar hringur er ræstur eru dæmdir úr keppni. Eftir hvern hring má nota tímann sem er eftir af klukkutímanum til að hvílast og undirbúa sig fyrir næsta hring. Heildarvegalengd hlaupara sem klárar 24 hringi (24 klukkutímar) er 100 mílur (160,8km). Núverandi heimsmet í Bakgarðshlaupum eru 85 hringir (569,5km), en það var slegið af Harvey Lewis (USA) í Big Dog’s Backyard Ultra 2021.
Greiðsluskilmálar
Verðið í hlaupið er 12.900 kr. og er greitt við skráningu.
Hlaupið endurgreiðir ekki skráningargjaldið. Nafnabreytingar þar til tvær vikur eru í keppni.
Reglur
Aldurstakmark í hlaupið er 18 ára.
Sjá nánar almennar reglur í bakgarðshlaupum: http://backyardultra.com/rules/.
Keppendur fá sendar ítarlegar upplýsingar um fyrirkomulag og reglur í tölvupósti.
Innifalið í skráningu
- Keppnisnúmer og tímataka: Þú hleypur eins marga hringi og þú vilt. Keppninni lýkur þegar aðeins einn hlaupari nær að ljúka hring.
- Hressing og veitingar á drykkjarstöð allan tímann.
- Heitar veitingar á 4 klst fresti á meðan þú ert ennþá í keppninni.
- Þátttökuviðurkenning
- Góð drykkjarstöð og aðstaða fyrir hlaupara verður í Mjölnisheimilinu. Lögð verður áhersla á skemmtilega og fjöruga umgjörð allan daginn. Starfsfólk og sjálfboðaliðar Náttúruhlaupa verða til taks fyrir þátttakendur í hvíldartímanum.
Silfurmiðar og heimsmeistaramót
Bakgarður 101 2023 er ekki silfurhlaup en keppnin er þó tækifæri fyrir alla til að ná sem lengst og geta komist í íslenska landsliðið í bakgarðshlaupum ef keppnin fer nægilega langt.
