Laugavegsnámskeið
Með virkri þátttöku á námskeiðinu munt þú koma brosandi í mark í Laugavegshlaupinu 2024!
Laugavegsnámskeið náttúruhlaupa
Laugavegsnámskeið Náttúruhlaupa hefur notið mikilla vinsælda síðast liðin ár og verður nú haldið í sjötta skiptið. Námskeiðið býður uppá faglega leiðsögn, markvisst æfingaprógram, getuskipta hópa og fjölbreyttar sameiginlegar æfingar tvisvar í viku. Námskeiðið stendur yfir í 15 vikur. Fyrsta sameiginlega æfingin verður 3. apríl og stendur námskeiðið fram að Laugavegshlaupinu sem fer fram 13. júlí 2024.
Umsjón: Elísabet Margeirsdóttir
Fyrirkomulag námskeiðsins
- Staðsetning og nánari upplýsingar um allar æfingar verða aðgengilegar í gegnum Sportabler appið.
- Æfingaáætlun eftir getu er gefin út vikulega. Gert er ráð fyrir því að þátttakendur hlaupi 2-4x í viku á eigin vegum skv. æfingaáætlun. Þjálfarar aðstoða þátttakendur að samtvinna æfingaáætlun við aðra hreyfingu og rútínu.
- Tveir fræðslufundir verða haldnir í tengslum við þátttöku í lengri náttúruhlaupum með áherslu á Laugavegshlaupið.
Fyrir hverja er námskeiðið?
Námskeiðið er fyrir alla sem hafa góðan bakgrunn í hlaupum og stefna á Laugavegshlaupið 2024.
Æskilegt er að þátttakendur…
- Hafi hlaupið reglulega í nokkur ár og fram að námskeiðinu.
- Hafi nýlega tekið þátt í lengri utanvegahlaupi (Fimmvörðuhálshlaupinu (28km) eða sambærilegu utanvegahlaupi, 25-30km).
- Séu tilbúnir að fylgja markvissri æfingaáætlun og takast á við stóra og skemmtilega hlaupaáskorun.
Til að tryggja góðan árangur í Laugavegshlaupinu er mikilvægt að stunda hlaup reglulega þangað til að námskeiðið hefst (hlaupa a.m.k. 2-3x í viku í 30-60 mínútur og taka eina lengri æfingu á viku sem er a.m.k. 60-90 mínútur). Við mælum með Hlaupasamfélagi Náttúruhlaupa fyrir þá sem vilja koma sér í góðan hlaupagír áður en námskeiðið hefst og hlaupa í skemmtilegum félagsskap!
Innifalið í námskeiðinu:
- Eitt langt upplifunarhlaup í getuskiptum hópum á viku.
- Ein sameiginleg gæðaæfing á viku.
- Lokaður Facebook hópur fyrir upplýsingar og samskipti (notum Sportabler til að miðla upplýsingum um sameiginlegar æfingar).
- Fjölbreyttar og spennandi hlaupaleiðir allt tímabilið.
Æfingaplan sent út vikulega. - Tvö fræðslukvöld
- Æfingaferð í Landmannalaugar með þjálfurum (þátttakendur greiða gjald fyrir rútu og aðstöðu).
ATH. nokkur laugardagshlaup verða hlaupin á eigin vegum eða með færri þjálfurum. Þátttakendur fá að vita um þær dagsetningar með góðum fyrirvara.
