Hlaupasamfélagið
Hlaupasamfélag Náttúruhlaupa er fyrir fólk sem elskar að hlaupa úti í náttúrunni í skemmtilegum félagsskap. Hvort sem þú vilt njóta hlaupa á eigin forsendum eða æfa markvisst fyrir utanvegahlaup. Við mælum með að byrjendur í hlaupum og/eða utanvegahlaupum fari fyrst á grunnnámskeið.
Á upplifunaræfingum á laugardögum má velja um fimm hlaupahópa eftir getu! Fjölbreyttar staðsetningar og leiðir.
Mánudaga til fimmtudaga geta áskrifendur Hlaupasamfélagins valið um að mæta á fjölbreyttar gæðaæfingar þar sem þjálfari leggur fyrir skemmtileg og krefjandi hlaupaverkefni skv. vikuáætlun.
Lengd hlaupa á upplifunaræfingum eftir hópum
Áskriftarleiðir
Ársáskrift að Hlaupasamfélaginu er hagstæðasta leiðin til að taka þátt í Hlaupasamfélaginu. Auk aðgangs að Hlaupasamfélaginu fá áskrifendur árlega gjöf, vildarkort og afslátt af hlaupaferðum og mörgum námskeiðum Náttúruhlaupa.
Hægt er að velja um tvær greiðsluleiðir: Eingreiðsla (54.900 kr) eða mánaðargreiðslur (4.900 kr á mánuði í 12 mánuði). Það sama er innifalið í báðum geiðsluleiðum. Ársáskriftin endurnýjast sjálfkrafa að ári liðnu sé henni ekki sagt upp. Það er gert með því að senda póst á [email protected].
Mánaðaráskrift án bindingar er upplögð leið ef þú vilt prófa að vera með í Hlaupasamfélaginu eða vera aðeins ákveðin tímabil. Áskriftin hefst við skráningu og endurnýjast sjálfkrafa á mánaðarfresti nema að áskriftinni sé sagt upp.
- Lágmarksbinding er 1 mánuður frá skráningu.
- Segja má áskriftinni upp hvenær sem er með því að senda póst á [email protected]. Áskriftin er virk frá uppsögn og út þann mánuðinn (tímabilið miðast við nýskráningu, ekki mánaðarmót).
- Árleg gjöf, vildarkort Náttúruhlaupa og sérverð á ferðum og námskeiðum er ekki innifalin í þessari áskriftarleið.
Innifalið fyrir árs áskrifendur
- Vikuleg upplifunarhlaup þar sem hægt er að hlaupa með fimm mismunandi hópum á laugardagsmorgnum. Alltaf nýr upphafsstaður og hlaupaleið í hverri viku.
- Vikulegar gæðaæfingar allt árið. Gæðaæfingar fara fram miðsvæðis á Höfuðborgarsvæðinu á milli kl. 17:30-18:30 á mánudögum, þriðjudögum og miðvikudögum.
- Fjallahlaupaæfingar eru á fimmtudögum kl. 17:30.
- Frjálst er að mæta á eins margar æfingar í viku og fólk vill en þátttakendur skrá sig á æfingarnar með nokkurra daga fyrirvara.
- Í vikulegum netpósti fá áskrifendur aðgang að æfingaáætlun fyrir hvern getuhóp (gull, appelsínugulur, vínrauður, grár og grænn).
- Æfingar í Hlaupasamfélaginu falla niður á flestum stórhátíðardögum og æfingar á frídögum geta verið með breyttu sniði. Í júlí og ágúst eru æfingar kl. 17:30 á þriðjudögum og fimmtudögum (sumaræfingar).
- Sérverð í ákveðin keppnishlaup og undirbúningsnámskeið.
- Vildarkort með afslætti hjá ýmsum samstarfsaðilum með vörum tengdum hlaupum, heilsu og hamingju.
- Sérverð á flestum hlaupaferðum Náttúruhlaupa.
- Gjöf merkt Náttúruhlaupum (afhent að vori til).
- Mánaðaráskrift án bindingar: Aðgangur að öllum æfingum Hlaupasamfélagsins en gjöf, vildarkort og sérverð er ekki innfalið.
Upplifunaræfingar á laugardögum
- Við hlaupum á mismunandi stöðum í náttúrunni á Höfuðborgarsvæðinu og útjöðrum þess.
- Á upplifunaræfingum hleypur fólk á sínum þægilega hraða og áherslan er á að njóta og hafa gaman.
- Boðið er upp fimm getuskipta hópa!
- Ekki þarf að binda sig við sama hóp hvern laugardag en velja þarf hóp með tilliti til hraða og getu.
Gæðaæfingar
- Gæðaæfingar eru flestar miðsvæðis og eru þær 1 klst. að lengd. Þar er lögð áhersla á hraðabreytingar, brekkur, styrktaræfingar og hlaupastíl en þátttakendur stýra ákefðinni upp að vissu marki.
- Boðið er upp gæðaæfingar mánudaga (öll getustig), þriðjudaga (öll getustig og hraðari hópar (Grár/Grænn) og miðvikudaga (öll getustig) kl. 17:30-18:30.
- Á fimmtudögum er fjallahlaupaæfing fyrir öll getustig og fjallagæðaæfing (Grár/Grænn).
- Áskrifendur geta mætt á fleiri en eina gæðaæfingu í viku, en við mælum með ákveðnum æfingum fyrir mismunandi getustig.
Tímasetning æfinga
6-9km
Gull-gulur
6-9km
Appelsínugulur
9-13km
Vínrauður
14-20km
Grár
14-20km
Grænn
Gull-gulur
6-9km
Svipuð vegalengd og appelsínuguli hópurinn fer nema hópurinn fer hægar yfir og gengur og hleypur til skiptis. Hentar mörgum sem koma af gulu grunnnámskeiði.
Appelsínugulur
6-9km
Mjög rólegur og þægilegur hraði þar sem er gengið upp brekkur. Frábær hópur fyrir hlaupara sem vilja fara rólega og njóta allan tímann. Hentar mörgum sem koma af grunnnámskeiði.
Vínrauður
9-13km
Þægilegur hraði og gengið upp flestar brekkur. Hentar mörgum sem koma af grunnnámskeiði. Í hópnum eru einnig vanir hlauparar og mörg þjálfa reglulega fyrir utanvegahlaup.
Grár
14-20km
Grái hópurinn fer aðeins hraðar yfir og lengra en vínrauði hópurinn. Í hópnum eru vanir hlauparar og mörg þjálfa reglulega fyrir utanvega- og ofurhlaup.
Grænn
14-20km
Græni hópurinn fer yfirleitt sömu vegalengd og grái hópurinn en fer hraðar yfir. Í hópnum eru vanir og hraðari hlauparar sem þjálfa fyrir utanvega- og ofurhlaup.
Hvaða hópur hentar mér?
Þú bindur þig bara einn laugardag í einu og getur alltaf skráð þig í annan hóp næst.
Ef þú ert í vafa, má alltaf senda okkur línu á [email protected] eða spyrja þjálfarana okkar.
Myndasafn af æfingum okkar
