Náttúruhlauparar munu fara hlaupaferð um hið stórbrotna svæði við Landmannalaugar. Friðlandið að Fjallabaki er einstakt svæði og verður enginn svikinn af litadýrðinni og landslaginu.
Þrjár vegalengdir eru í boði og leiðir eru mismunandi eftir því hvaða vegalengd er valin en allir fá stórkostlegt landslag!
*Ef næg þátttaka næst
Stysta leiðin (11 km) er fyrir öll getustig nema algjöra byrjendur. Ekki er lögð áhersla á hraða heldur að njóta leiðarinnar. Gengið verður upp brekkur og stoppað reglulega til að taka myndir og þjappa hópnum saman.
17 km leiðin er fyrir nokkuð vana hlaupara sem hafa farið álíka vegalendir einhvern tímann áður. Þessi leið er m.a. fyrir þá sem eru á undirbúningsnámskeiðið fyrir 5VH Trail Run en þeir fá sér verð þar sem verðið er að hluta til innifalið í námskeiðinu.
25 km leiðin er aðeins fyrir vanari hlaupara sem hafa hlaupið að minnsta kosti jafn langt áður í fjalllendi. Hér verður áherslan líka á að njóta en þó verður farið hraðar yfir en í styttri vegalendinni. Athugið að þessi leið er m.a. fyrir þá sem eru á undirbúningsnámskeiði fyrir Laugavegshlaupið en þeir fá sér verð þar sem verðið er að hluta til innifalið í námskeiðinu.
Skráðu þig á póstlista Náttúruhlaupa og fáðu vita um leið og við opnum fyrir skráningu á námskeiðum, setjum út nýjar ferðir eða gerum eitthvað annað spennandi. Öll tækifærin beint í innhólfið 😊
Þessi síða notar fótspor (e. cookies) vegna nauðsynlegrar virkni hennar og til að safna tölfræðigögnum með þeim tilgangi að gera síðuna betri.
