Náttúruhlaup eru lífsbreytandi, ef þú ferð all-in og mætir 2-3 í viku, þá breytist lífið, ekki flókið.

Í október 2022 skellti ég mér á Grunnnámskeið hjá Náttúruhlaupum og fór í kjölfarið í Hlaupasamfélag NH. Klárlega ein af betri ákvörðunum sem ég hef tekið í lífinu.

Þrátt fyrir að hafa aðeins sprett úr spori fyrir einhverjum árum síðan tel ég það ekki einu sinni með því það veitti mér enga gleði og ég fann aldrei taktinn. Bara blóðbragð í munni, kvöl og pína.

Núna hinsvegar gefa hlaupin mér orku og hreinsa hugann. Gjafirnar sem að hlaupalífið hefur síðan fært mér á þessum tveimur árum eru eitthvað sem mig óraði aldrei fyrir að yrðu svona stórkostlegar. Náttúran, ævintýrin, áskoranirnar, hlaupavinirnir, samveran, hugleiðslan og hlaupavíman.

Virkilega skemmtilegur hópur og gott að koma inn sem nýliði.

Ég hélt að ég gæti ekki hlaupið en ákvað að skrá mig á grunnnámskeið Náttúruhlaupa og prófa.

Ég lærði að hlaupa og njóta og fann fljótt að utanvegahlaupin eiga vel við mig og lærði hvað það er gott að fara út sama hvernig viðrar (næstum því allavega).

Ég fór hægt af stað en hef hlaupið nánast daglega undanfarið ár ýmist í hópum Náttúruhlaupa eða sjálf.
Helstu kostir Hlaupasamfélags NH eru að hægt er að flakka á milli hópa eins og hentar hverju sinni, vegalengda og hraða. Svo eru fjallaæfingarnar sem eru mínar uppáhalds!

Það er þægilegt að þurfa bara að skrá sig og mæta á staðinn og þurfa ekki að finna staðsetningu og vegalengd sjálf.

Alltaf nýjar leiðir, gleði og gaman.

Afslættir sem fylgja áskriftinni koma sér líka vel fyrir allan þann búnað sem hlaupara sæmir að eiga.

Það er alltaf gleði á æfingum og þjálfararnir boðnir og búnir til að hjálpa/leiðbeina og peppa.

Ég mæli heilshugar með Náttúruhlaupum fyrir alla.

Geggjað samfélag og frábærir hlaupafélagar og bara ein besta ákvörðun sem maður hefur tekið!

Ég er svo endalaust þakklát fyrir frábæra þjálfara, fjölbreyttar æfingar, félagsskapinn, hvatninguna og ráðin. Alltaf svo góð stemmning á æfingum og gaman að mæta.

Mér finnst skemmtilegt að uppgötva nýjar leiðir í útjaðri höfuðborgarsvæðisins. Finnst dásamlegt að geta stoppað og notið en ekki þurfa að bruna, það var nýtt fyrir mér í upphafi - njóta en ekki þjóta :) Gæðaæfingarnar eru hnitmiðaðar og góðar.

Í hlaupasamfélagi NH upplifði ég fyrst nokkrar af fallegustu náttúruperlum höfuðborgarsvæðisins sem ég hefði aldrei viljað missa af.

Það að vera í hlaupasamfélaginu gerir ekki minna fyrir sálarlífið en líkamann.

Alltaf jafn yndislegt að hlaupa með frábærum hópi hlaupafélaga og einstökum þjálfurum - alltaf jafn gaman alveg sama hvernig veðrið er!

Skipulag til fyrirmyndar, þjálfarar alltaf hvetjandi og gefa góð ráð fyrir utan að vera ótrúlega skemmtileg þannig að mann langar alltaf að mæta á æfingar.

Hlaupasamfélagið í heild myndar frábæra stemmingu og orku sem maður tekur með sér út í hversdaginn eftir æfingar :)

Mæli 100 % með!

Ástríða fyrir hlaupum út í náttúrunni og samvera með hressu fólki en þetta skín í gegn hjá þjálfurum sem eru alltaf hressir og kátir og svo mikið til í njóta sama hvernig sem vindar blása.

Meiriháttar í alla staði. Fjölbreytt og frábærir þjálfarar. Hlakka alltaf til að mæta :)

Hlaupasamfélag NH einkennist af ástríðu fyrir hlaupum út í náttúrunni og samvera með hressu fólki.

Þetta skín í gegn hjá þjálfurum sem eru alltaf hressir og kátir og svo mikið til í njóta sama hvernig sem vindar blása.

Það er gott að tilheyra hlaupasamfélaginu, góður andi á æfingum, hvetjandi og hæfir þjálfarar.

Fjölbreyttar og skemmtilegar æfingar.

Mér finnst náttúruhlaupin frábær og henta mér mjög vel.

Maður getur skipt um hóp eftir forminu. Allir hópstjórar frábærir.

Allir fá að hlaupa á sínum forsendum.

Er hrikalega ánægð með ykkur. Þjálfararnir æði og leiðirnar skemmtilegar. Þið hugsið mjög vel um okkur. Fjölbreytning er svo skemmtileg hjá ykkur.

Dásamlegt hlaupasamfélag með góðum hlaupavinum og frábærum þjálfurum. Alltaf gleði og ljós í hjartað. Þakklát fyrir vináttuna, flottar leiðir, gleði og stuðning.