grunnnámskeið

IMG 6687

Næstu hlaupanámskeið hefjast í september 2021

 

    • Fimmtudaginn 2. sept kl. 17:30 (rauður hópur) Opið
    • Laugardaginn 4. sept kl. 10:00 (gulur hópur) Opið
    • Sunnudaginn 5. sept kl. 10:00 (rauður hópur) Opið

 

Um er að ræða tvö sameiginleg hlaup á viku (ein upplifunaræfing og ein gæðaæfing) í 4 vikur (8 æfingar alls).

 

Verð: 21.900 kr.

Tímasetning æfinga

 

Gæðaæfingar

Upplifunaræfingar

Rauður fimmtudagshópur

Mánudögum kl. 17:30

Fimmtudögum kl 17:30

Rauður sunnudagshópur

Þriðjudögum kl. 17:30 

Sunnudögum kl 10:00

Gulur hópur

Fimmtudögum kl. 17:30

Laugardögum kl 10:00.


Allt um fyrirkomulag námskeiðanna má sjá betur neðar á síðunni.

Athugið að fullt tillit verður tekið til aðtæðna í þjóðfélaginu vegna Covid-19 faraldursins. Ef ekki verður hægt að hefja námskeiðið á settum tíma, mun því seinka þar til aðstæður leyfa. Henti sú tímasetning ekki, verður hægt að fá fulla endurgreiðslu. Skráðu þig á póstlista okkar til að fá fyrst að vita hvenær opnar fyrir skráningu nýrra námskeiða. 

Skráning

Prófaðu nýjan lífsstíl með okkur!

Námskeið í Náttúruhlaupum eru einstök að því leyti að hlaupnar eru mismunandi leiðir  í íslenskri náttúru á höfuðborgarsvæðinu eða í jöðrum þess. Við leggjum áherslu á að fólk læri að njóta þess að hlaupa í fallegri náttúru. Til að gera hlaup að lífsstíl, þarf að hafa gaman af þeim!

Fyrirkomulag

Sameiginleg náttúruhlaup eru tvisvar í viku: upplifunarhlaup og gæðaæfingar.

Upplifunarhlaup

Einu sinni í viku eru farnar mismunandi leiðir og lögð áhersla á að njóta þess að skokka í fallegri náttúrú. Fólk þarf sjálft að koma sér á staðinn. Reikna má með að æfingin sjálf taki 1-2 klst en með akstri til og frá staðnum 2-3 klst. Flestir hópar eru með upplifunarhlaupin á sunnudagsmorgnum en sumir á laugardagsmorgnum eða á virkum degi kl. 17:30.

Gæðaæfingar

Á virkum degi á milli 17:30 og 18:30 eru gæðaæfingar. Þá hittast allir hópar saman undir leiðsögn eins þjálfara. Þær fara alltaf fram á sama stað (miðsvæðis). Hér eru ekki kannaðar nýjar leiðir en lögð áhersla á hlaupaþjálfunina. Æfingin sjálf er alltaf 1 klst.

 

Rjóminn 067
IMG 9064

Hvar?

Mismunandi er hvar við hittumst á upplifunaræfingum en staðsetningu má sjá í æfingaráætlunni í Sportabler. Hver þátttakandi ber sjálfur ábyrgð á að koma sér á staðinn og heim. Reikna má með að hvert skipti taki 2-3 klst. með öllu en það fer eftir því hvaða leið er valin og hve langt þarf að keyra á staðinn. Gæðaæfingarnar eru alltaf á sama stað, missvæðis. 

Fyrir hverja?

Námskeiðin henta bæði algjörum byrjendum í hlaupum (guli hópurinn) og þeim sem hafa eitthvað fiktað við hlaup en vilja komast almennilega í gang og hlaupurum sem eru vanir götuhlaupum og vilja kynnast náttúruhlaupum (rauði hópurinn).

Fyrir fólk sem hefur áður tekið þátt í námskeiði hjá okkur, bendum við á hlaupasamfélagið þar sem allir ættu að finna hóp sem hentar. Vanir hlauparar, sem hafa ekki áður tekið þátt í námskeiði en hafa mikla reynslu af hlaupum í náttúrunni, geta líka farið beint í hlaupasamfélagið ef þeir svo kjósa.

Við mælum ekki með að reynslulitlir hlauparar eða hlauparar sem hafa ekki reynslu af hlaupum í náttúrunni fari beint í hlaupasamfélagið. Best er að fara fyrst á námskeið þar sem utanumhald og fræðsla er meiri.

Hópar

Guli hópurinn er fyrir byrjendur sem hafa aldrei hlaupið en vilja læra það í fallegu umhverfi undir leiðsögn fagaðila. Það verður gengið og hlaupið til skiptis. Viðmiðunarmarkmið er að hlaupa stanslaust í hálftíma án vandræða í lok námskeiðsins (sumir ná því markmiði, aðrir ekki sem er allt í lagi!). Einnig fyrir þátttakendur sem hafa áður hlaupið með gula hópnum og vilja gera það áfram (þó flestir sem hafa verið áður ættu að geta farið í appelsínugula hópinn í hlaupasamfélaginu).

Rauði hópurinn er fyrir fólk sem hefur eitthvað hlaupið en vill komast almennilega í gang undir leiðsöng fagaðila. Viðmiðunarmarkmið er að byggja upp þol og koma líkamanum í form til þess að hlaupa stanslaust í klukkutíma án vandræða eða meiðsla í lok námskeiðs. Yfirleitt er farið 6-10 km. Þessi hópur er hugsaður fyrir fólk sem ekki hefur verið áður á námskeiði hjá okkur.

Verð

  • Námskeiðin eru 4 vikur og fara fram a.m.k. þrisvar á ári, að vetri, vori og hausti.
  • Verð: 21.900 fyrir fjögurra vikna námskeið

Bendum ykkur á að fylgjast með fréttum af Náttúruhlaupum með því að skrá ykkur á póstlistann okkar. Þannig fáið þið fréttirnar af því hvenær skráningar opna, nýjar ferðir koma út og aðra viðburði um leið.

 

 

Skráðu þið á póstlistann okkar til að fylgjast með skráningum á námskeið og ferðir