Námskeið í Náttúruhlaupum eru einstök að því leyti að hlaupnar eru mismunandi náttúruleiðir á höfuðborgarsvæðinu eða útjöðrum þess. Við leggjum áherslu á að fólk læri að njóta þess að hlaupa í fallegri náttúru. Til að gera hlaup að lífsstíl, þarf að hafa gaman af þeim!
Dagar Dagur
Klst Klst
mín Mín
seconds second
Námskeiðin henta bæði algjörum byrjendum í hlaupum (guli hópurinn) og þeim sem hafa eitthvað fiktað við hlaup en vilja komast almennilega í gang og hlaupurum sem eru vanir götuhlaupum og vilja kynnast náttúruhlaupum (rauði hópurinn).
Fyrir fólk sem hefur áður tekið þátt í námskeiði hjá okkur, bendum við á hlaupasamfélagið þar sem allir ættu að finna hóp sem hentar. Vanir hlauparar, sem hafa ekki áður tekið þátt í námskeiði en hafa mikla reynslu af hlaupum í náttúrunni, geta líka farið beint í hlaupasamfélagið.
Við mælum ekki með að reynslulitlir hlauparar eða hlauparar sem hafa ekki reynslu af hlaupum í náttúrunni fari beint í hlaupasamfélagið. Best er að fara fyrst á námskeið þar sem utanumhald og fræðsla er meiri.
Guli hópurinn er fyrir byrjendur sem hafa aldrei hlaupið en vilja læra það í fallegu umhverfi undir leiðsögn sjúkraþjálfara. Það er gengið og hlaupið til skiptis. Forkröfur er að geta gengið 5 km . Viðmiðunarmarkmið er að skokka stanslaust í hálftíma án vandræða í lok námskeiðsins.
Næsta gula námskeið 11. janúar. Æfingar á laugardögum kl. 10:00 og fimmtudögum milli 17:30-18:30.
Rauði hópurinn er fyrir fólk sem hefur eitthvað hlaupið en vill komast almennilega í gang. Einnig götuhlaupara sem eru að færa sig yfir í utanvegahlaup. Gert er ráð fyrir breidd varðandi hraða. Yfirleitt er farið 6-10 km. Forkröfur er að geta skokkað stanslaust í 45 mín.
Tveir rauðir hópar verða í boði í janúar og hefst annar 9. og hinn 12. janúar. Æfingar eru á fimmtudögum kl. 17:30 og mánudögum milli 17:30-18:30 eða á sunnudögum kl. 10:00 og þriðjudögum milli 17:30-18:30.
Ég hefði ekki getað trúað því að ég myndi hlakka til að vakna snemma á laugardagsmorgni til að fara út í hvaða veður sem er en það var allaf yndislegt. Gaman að vera búin að kynnast öllum þessum skemmilegu hlaupaleiðum og frábært að þurfa ekki að leita langt útfyrir borgina til að komast í snertingu við náttúruna.
Þetta var skemmtilegsta hreyfi -og náttúruvitundarnámskeið sem ég hef farið á og voru þjálfararnir þar lykilaðilar sem gerðu allt betra og skemmtilegra og kveiktu enn meiri áhuga á áframhaldandi hlaupum í náttúrunni.
Takk fyrir mig
Ég byrjaði í Náttúruhlaupum árið 2020. Þá hafði ég stundað götuhlaup í mörg ár, klárað tvö maraþon undir 4 klst og tekið þátt í mörgum hálfmaraþonum. Ég fór samt fyrst á Grunnnámskeið og í framhaldinu í Hlaupasamfélag Náttúruhlaupa.
Ég græddi mikið á því og mæli með að allir fari fyrst á Grunnnámskeið. Ég lærði hlaupastíl, hvernig fara á upp og niður brekkur og hlaupa yfir hindranir. Þetta var svo mikið pepp og endalaust af fróðleiksmolum og æfingum sem ég hafði aldrei hugsað út í.
Ég lærði líka að njóta. Það var mikil áhersla á að njóta frekar en að keppast við klukkuna og sú viðhorfsbreyting gerði hlaupin enn skemmtilegri en áður. Fyrir vikið varð ég betri, ánægðari og hraðari hlaupari.
Námskeiðið var vel skipulagt og fræðslan og fyrirkomulag til fyrirmyndar! Það er eitthvað dásamlegt við að blanda saman að hlaup og náttúru en þó alltaf með áhersluna á að njóta og upplifa. Þakka kærlega fyrir mig, er klárlega kolfallinn Náttúruhlaupari!
Ég hef aldrei verið á jafngóðu og skemmtilegu námskeiði. Utanumhald frábært og ótrúlega gagnlegt og skemmtilegt að mæta á æfingar. Varð bara að koma þessu frá mér!
Takk
Ég hef verið í íþróttum frá því ég man eftir mér. Í tengslum við þær íþróttir hef ég verið látin hlaupa úti og inni. Ég hef aldrei þolað það. Kviðið fyrir því og hugsað allan tímann á meðan ég hleyp hversu léleg ég er og hversu leiðinlegt það er að hlaupa.
Þegar líkamsræktarstöðvar lokuðu á meðan á Covid19 stóð sá ég tækifæri í því að njóta náttúrunnar og vonandi að læra að kunna að meta að hlaupa í leiðinni. Mér óraði ekki fyrir breytingunni á fyrst og fremst hugarfari en líka hversu vel mér gekk að hlaupa.
Búin að segja upp samningnum í líkamsræktarstöðinni og hlakka mikið til náttúrunnar, útiverunnar og komandi hlaupa.
Námskeiðið var meiriháttar! Hlaupin virkilega skemmtileg og fræðslan og þá sérstaklega hvernig hugsa á um líkamann fyrir, á meðan og eftir hlaup til fyrirmyndar! Besta hreyfing og núvitund sem ég hef prófað. Ég hef klárlega fundið mitt nýja uppáhalds áhugamál.
Frábært námskeið - lagt upp með gleði og að njóta í stað þess að vera alltaf að gera meira og meira. Mér leið alltaf vel eftir hverja æfingu og langaði alltaf að mæta aftur þar sem mesta áherslan var á að njóta og vera með í stað þess að vera í einhverri keppni. Svo var plús að kynnast fullt af nýjum hlaupaleiðum.
Skráði mig á grunnnámskeið Náttúruhlaupa þar sem mér finnst hugmyndin og uppsetningin flott.
Námskeiðið stóðst allar væntingar og meir. Mikil og skemmtileg fræðsla frá þjálfara og haldið vel utan um allan hópinn með öruggum höndum.
Rödd þjálfarans verður örugglega í hausnum á mér fram eftir sumri.
Takk fyrir mig Náttúruhlaup.
Til að tryggja góðan árangur er mikilvægt að stunda hlaup reglulega þangað til að námskeiðið hefst (hlaupa a.m.k. 2-3x í viku í 30-60 mínútur og taka eina lengri æfingu á viku sem er a.m.k. 60-90 mínútur). Við mælum með Hlaupasamfélagi Náttúruhlaupa fyrir þá sem vilja koma sér í góðan hlaupagír áður en námskeiðið hefst og hlaupa í skemmtilegum félagsskap.
Hópurinn verður hvattur til að skrá sig í ýmsar æfingakeppnir á tímabilinu sem nýtist sem góður undirbúningur fyrir lokamarkmiðið.
Námskeið fást að fullu endurgreidd ef hætt er við það a.m.k. tveimur dögum áður en það hefst. Berast þarf tilkynning þess eðlis á [email protected]. Eftir að námskeiðið hefst, er gjaldið óendurkræft.
Það eru tvær leiðir til að nálgast kvittanir og sjá áskriftir
Aðeins er hægt að ná í kvittun á PDF formi í gegnum tölvu eða vafra á síma.
Í appinu
1.Lengst niðri til hægri sjáið þið 3 láréttar línur og smellið á þær.
2.Á „Mitt svæði“ er hægt að skoða stillingar, áskriftir, kvittanir og það sem er ógreitt.
Í vafra(tölvu)
1.Farið í vafra og inn á síðuna: www.sportabler.com/shop/natturuhlaup
2.Skráið ykkur inn efst í hægra horninu. Þegar búið er að skrá sig inn er hægt að smella á reikningar og áskriftir efst í hægra horninu.
3.Hægt er að niðurhala kvittunum í PDF formi í reikningar.
Það þarf ekki að mæta með gel á laugardagsæfingar þó það geti verið ágætt að hafa með sér eitt gel eða aðra orku (t.d. súkkulaði eða þurrkaða ávexti) til öryggis. Það er þó góð regla að hafa vökva og næringu í bílnum og fá sér á leiðinni heim. Ef æfingin er lengur en 1,5 klst, þarf að hafa vökva og næringu með.
Í raun er það einstaklingsbundið þó flestum finnist bakpokarnir þægilegri auk þess sem þeir eru plássmeiri. Svona heilt yfir þá er í styttri hlaupum í góðu veðri nóg að vera með hlaupabelti en í vetrarhlaupum er gott að hafa hlaupabakpoka og geyma þá auka húfu og vettlinga ásamt einhverri orku í pokanum.
Götuhlaupaskór duga í mörgum tilfellum en við mælum með því að fólk fjárfesti í náttúruhlaupaskóm (trail skór eða utanvegaskór). Náttúruhlaupaskór eru hannaðir til að veita góða vörn fyrir fæturna og grípa betur á t.d. blautum steinum, í drullu eða í lausamöl. Í slíkum tilfellum eru þeir nauðsynlegur öryggisbúnaður.
Góða trail hlaupaskó, þægileg íþróttaföt, vindjakka, húfu og vettlinga. Á veturnar er skylda að eiga höfuðljós og hlaupabrodda (t.d. frá Kahtoola). Þeir sem hlaupa mikið lengur en 1 klst í einu þurfa að eiga hlaupabakpoka til að bera næringu, vökva og fatnað. Þátttakendur í silfurgráa hópi hlaupasamfélagsins og ultra námskeiðs, þurfa að eiga GPS hlaupaúr með „navigation“ og kunna að fara eftir trakki, sjá hér: https://vimeo.com/409768173
"*" indicates required fields
"*" indicates required fields
