Komdu með! Löng helgi í náttúruperlu við Stokkhólm 🇸🇪😀
Við gistum tvær nætur í einföldum og sjarmerandi sænskum smáhýsum í fallegri náttúruperlu rétt hjá miðborginni. Fjögur gista saman en klósett og sturtuaðstaða er í sér byggingu. Fullt fæði er innifalið á meðan á dvöl okkar stendur en sunnudagurinn er að mestu frjáls. Þá má velja um að skoða borgina á eigin vegum eða kanna stígana enn betur.
Flug er ekki innifalið en miðað er við að fljúga út með Icelandair kl. 7:35 á föstudagsmorgun og tilbaka kl. 22:35 á sunnudagskvöldi.
Þessir þrír dagar nýtast því ótrúlega vel en þjálfarar og leiðtogar Náttúruhlaupa fóru í staffaferð þangað í fyrra og var mikil ánægja með staðsetningu og uppsetningu helgarinnar.
Flugið er ekki innifalið og ekki er mælt með að flugið sé keypt fyrr en lágmarksfjölda er náð og ferðin er staðfest. Mikilvægt er að staðfesta sem fyrst til að hægt sé gefa fólki grænt ljós að panta flug áður en verð hækkar.
Dagar Dagur
Klst Klst
mín Mín
seconds second
Það er ótrúlegt hvað hægt er að gera á þrem dögum!
Við munum hlaupa í sænskum skógi, fara í ekta sauna og skella okkur í vatnið í kjölfarið, fræðast um og fínpússa hlaupastílinn OG fá frídag sem nýta má í miðborg Stokkhólmar eða hlaupa meira á þessu fallega svæði, leigja fjallahjól eða báta.
Á föstudeginum fara öll skemmtilega 8 km leið en á laugardeginum má velja á milli 18km og 12km leið og auk þess verða léttar gæðaæfingar með áherslu á hlaupastíl. Ef eftirspurn verður eftir því, verður hægt að stytta 12km leiðina.
Farið verður dýpra í hlaupastíl en gert hefur verið á grunnnámskeiðum, bæði með fræðslu og hagnýtum æfingum og ráðum. Hvort sem þú hefur aldrei eða mikið hugsað út í hlaupastíl, græðir þú á þessari fræðslu.
Þú færð allt þetta á þremur dögum og þarft aðeins að taka þér einn frídag frá vinnu 🤩
Birkir Már Kristinsson verður fararstjóri ferðarinnar. Á upplifunaræfingum verða Katrín Lilja og Nína Berglind með honum til að halda utan um hópana.
Birkir er sjúkraþjálfari og framkvæmdastjóri Náttúruhlaupa. Hann hefur kennt á grunnnámskeiðum Náttúruhlaupa frá því að fyrsta námskeiðið var haldið 2014. Hann hefur áhuga á hlaupstíl og hefur stöðugt verið að bæta þekkingu sína á því sviði.
Birkir ólst upp í Svíþjóð og talar því sænsku. Hann skipulagði helgarferð fyrir þjálfara og leiðtoga Náttúruhlaupa 2024 með sömu uppsetningu og nú er gert þó dagskráin hafi verið öðruvísi.
Birkir leggur áherslu á að fólk njóti þess að hlaupa í náttúrunni á eigin forsendum, burtséð frá getustigi.
Dagskrá: Ath. Breytingar geta orðið á dagskrá, hvað varðar lengd og uppröðun hlaupaleiða.
Hægt er að fá beint flug báðar leiðir með Icelandair sem við miðum ferðina út frá. Þeir sem vilja koma fyrr eða fara seinna og gera meira út úr fríinu geta gert það en allir þurfa að vera á flugvellinum í Mílanó þegar vélin frá Icelandair lendir síðdegis því þaðan fer okkar rúta með okkur til Monterosso al Mare þar sem við gistum allar 7 næturnar.
Hótelið í Monterosso al Mare býður ekki upp á kvöldverð en nokkrir huggulegir veitingastaðir eru í bænum. Fólk velur því sjálft hvar það borðar kvöldmat en þó verður sameiginlegur kvöldmatur á fyrsta og síðasta deginum.
Á degi 5 (15. maí) er hvíldardagur/frídagur. Hægt að fara á ströndina, versla, siglinga o.fl.
Aðra daga að undanskildum ferðadögum er hlaupið/gengið á skemmtilegum stígum á þessu fallega svæði. Ferðast verður á milli staða með opinberum samgöngum (innifalið í verðinu).
Okkar rúta fer með okkur beint á flugvöllinn í Mílanó síðasta daginn.
– Ferðalag til Mílanó, lent á Malpenza flugvellinum. Hægt að fá beint flug með Icelandair sem lendir síðdegis. Hugsanlega er hægt að fá ódýrara flug með því að fljúga í gegnum London. Þeir sem vilja geta komið fyrr og gert meira úr fríinu.
– Okkar rúta fer frá Malpenza flugvellinum til Htl Palme, í Monterosso al mare. Þó þarf að taka lest síðasta hlutann þar sem rútur mega ekki fara alla leið. Í Monterosso verður gist það sem eftir er ferðarinnar. Ferðalagið tekur um 4 klst.
– Tékkað inn á hótelið okkar. Sameiginlega kvöldmáltíð.
– Um 16km hlaup frá Monterosso til Levanto og tilbaka. Þau sem vilja stytta leiðina um helming geta tekið lest tilbaka.
– Fólk borðar kvöldmat á eigin vegum á veitingastöðum í Monterosso.
– Hlaup til Vernazza, Corniglia (8km) og þaðan til Manarola/Riomaggiore (u.þ.b. 12km fjallahlaup með 700-900 m hækkun.
– Allir taka fyrra hlaupið en hægt að taka lest fyrir þá sem vilja sleppa seinna hlaupinu.
– Lest um morguninn til Riomaggiore.
– 13km fjallahlaup (Riomaggiore -> Portovenere).
– Sigling til baka til Monterosso.
– Þessi dagur er frjáls.
– Hægt að fara á ströndina, versla, sigla o.fl.
–Við ferðumst með lest á Portofino skagann og tilbaka að degi loknum.
– 16 eða 25 km hlaup um helstu bæi og útsýnisstaði Portofino skaganna.
– Lest til Levanto og hlaupið til norðurs meðfram sjávarlengjunni.
– 8-15km hlaup þennan dag.
– Borða saman á veitingastað síðasta kvöldið í Monterosso.
– Tékkað út af hóteli.
– Stutt lestarferð og síðan okkar rúta sem mun keyra okkur alla leið á Malpensa flugvöllin við Milano (u.þ.b. 3,5 tíma keyrsla). Þeir sem ætla hugsanlega að lengja ferðina, verða eftir í Milano, þurfa að láta vita fyrirfram.
"*" indicates required fields
"*" indicates required fields
