Nýjar æfingaleiðir NH eru ekki sérstakir æfingahópar heldur leiðbeinandi áætlanir. Þær hjálpa þér að raða sameiginlegum æfingum NH og æfingum á eigin vegum saman í markvissa æfingaviku, hvort sem markmiðið er að byggja upp góðan grunn, bæta sig eða undirbúa sig fyrir keppnishlaup.
Esja er fyrir fólk sem er nýlega farið að hlaupa og þau sem eru að byrja aftur eftir hlé. Einföld og aðgengileg leið með 3–4 hlaupaæfingum á viku og einni aðal gæðaæfingu. Áhersla er lögð á stöðugleika og að byggja upp góðan grunn.
Hengill er fyrir vanari hlaupara sem vilja æfa markvissar, auka fjölbreytni og lengja hlaupin. Leiðin inniheldur um 4–5 hlaupaæfingar á viku, eina aðal gæðaæfingu og sveigjanleika eftir tíma og markmiðum.
Askja er keppnismiðuð æfingaleið fyrir hlaupara sem eru vanir meira hlaupamagni og vilja undirbúa sig markvisst fyrir utanvega- og fjallahlaup allt árið. Boðið er upp á stigvaxandi áætlanir með 5–7 æfingum á viku. Í Öskju verða innanhúsæfingar á braut í vetur ásamt styrktaræfingu með áherslu á þarfir hlaupara sem undirbúa sig fyrir lengri fjalla- og ofurhlaup.
Esja og Hengill fylgja almennri áskrift að Hlaupasamfélagi NH. Skráning í Öskju opnar mánudaginn 24. ágúst í Abler og er viðbótaráskrift. Askja fer formlega af stað 7. september.
"*" indicates required fields
"*" indicates required fields