Hlaupaferð um Sikiley 2027

Sikiley með Náttúruhlaupum

Sikiley er stærsta eyja Miðjarðarhafsins og er hluti af Ítalíu. Eyjan er þekkt fyrir hrífandi náttúrufegurð, fornar rústir, líflega menningu og ljúffenga matargerð. Í þessari ferð verður hlaupið um stórbrotið landslag sem spannar allt frá gróðursælum gljúfrum og náttúrulaugum til svörtustu hraunbreiðna í kringum eldfjallið Etnu. Etna er eitt virkasta eldfjall Evrópu og er á heimsminjaskrá UNESCO. Veðurfar er milt í apríl, yfirleitt á bilinu 15–20°C að meðaltali.

Fyrir hverja er ferðin?

Ferðin er miðlungskrefjandi og hentar þeim sem eru í góðri þjálfun og geta verið lengi á fótum nokkra daga í röð. Það eru fimm hlaupadagar og einn frjáls dagur í þessari ferð. Hlaupaleiðirnar eru frá 15-24 km með 700-1500 m hækkun. Þau sem það kjósa geta sleppt úr hlaupadegi og geta þá notið þess sem Taormina hefur uppá að bjóða. Á frjálsa deginum gefst fólki t.d. kostur á fara á ströndina, hjóla, fara í fjórhjólaferð, bátsferð eða njóta þess að rölta um Taormina. Fararstjórar munu koma með uppástungur þess efnis þegar nær dregur.

Fararstjórn

Fararstjórar eru þær Dagmar Heiða Reynisdóttir og Anna Sigríður Arnardóttir.

Dagmar er einn af þjálfurum Náttúruhlaupa og hefur þjálfað hjá okkur frá árinu 2024 en verið iðkandi Náttúruhlaupa síðan 2019. Hún hefur komið að þjálfun í Hlaupasamfélagi Náttúruhlaupa, á grunnnámskeiði og Laugavegsnámskeiði. Dagmar er hjúkrunarfræðingur og hefur einnig sinnt þjálfun óléttra kvenna, nýbakaðra mæðra og annarra hópa frá árinu 2007. Dagmar hefur heimsótt Sikiley reglulega og þekkir eyjuna vel. Hún dvaldi þar sem skiptinemi á sínum yngri árum og talar ítölskuna reiprennandi.

Anna Sigga er líka einn af þjálfurum Náttúruhlaupa og hefur þjálfað hjá okkur frá árinu 2017 en hefur verið iðkandi Náttúruhlaupa síðan 2015. Hún hefur þjálfað í Hlaupasamfélagi Náttúruhlaupa, á Fimmvörðuhálsnámskeiði og á Laugavegsnámskeiði, auk þess sem hún hefur starfað sem þjálfari í öðrum hlaupahópi.

Anna Sigga er leiðsögumaður með sérhæfingu í gönguleiðsögn og lauk prófi úr Leiðsöguskóla Íslands vorið 2024. Hún hefur sérstakan áhuga á kortum, tækjum fyrir leiðsögn og hlaupaúrum, og nýtir það m.a. til að finna nýjar og spennandi leiðir fyrir hópa og einnig fyrir sjálfan sig til að auka fjölbreytnina í leiðarvali.

Innifalið í verði:

Gisting í 7 nætur á Splendid hotel, í bænum Taormina (2 saman í herbergi)

Fararstjórar, Dagmar Heiða Reynisdóttir og Anna Sigríður Arnardóttir

5 hlaupadagar, að meðaltali 6 tímar hvern dag, 15-24 km, 700-1500 m hækkun

Morgunmatur alla daga og tveir sameiginlegir kvöldverðir (hádegisverður ekki innifalinn)

Flugvallartransfer frá flugvelli í Catania til Taormina og tilbaka á brottfarardegi

Rútuakstur á upphafsstað hlaupa

Ekki innifalið í verði:

Flug

Varðandi flug til og frá Sikiley

Ekki er beint flug til Sikileyjar í boði fyrir þessa ferð og þátttakendur bóka flug sitt sjálfir. Þegar lágmarksfjölda er náð og ferðin hefur verið staðfest munu Náttúruhlaup kanna hentugustu flugleiðirnar og veita ráðleggingar um bókun. Hópurinn hittist á flugvellinum í Catania að kvöldi fyrsta dags. Akstur milli flugvallarins og Taormina, í upphafi og lok ferðar, er innifalinn, sem og akstur til og frá hlaupaleiðum.

Gisting

Gist verður allan tímann á fjögurra stjörnu hóteli með sundlaug í Taormina og er morgunmatur innifalinn. Taormina er þekktur fyrir fallegar strendur, miðaldabyggingar og einstakt útsýni yfir eldfjallið Etnu og yfir strandlengjuna, enda er bærinn staðsettur í um 200 metrum yfir sjávarmáli. Hótelið er mjög vel staðsett nálægt miðbæ Taormina og stutt er niður að strönd með kláf eða fótgangandi. Áhugaverðir staðir í Taormina eru m.a. gríska hringleikahúsið (Teatro Greco), Isola Bella og Piazza IX Aprile.

Gert er ráð fyrir að 2 gisti saman í herbergi. Ef óskað er eftir einkaherbergi, vinsamlegast sendið póst á [email protected].

Mynd af bænum Taormina með Etna í bakgrunni

Dagskrá ferðarinnar

Með fyrirvara um breytingar. Fararstjórar velja hlaupaleiðir með tilliti til veðurs og annara aðstæðna.

Dagur 1 - Laugardagur 10. apríl

Lending í Catania á Sikiley seinnipartinn. Rútuferð frá flugvelli til Taormina

Dagur 2 - Sunnudagur 11. apríl

Hlaup: Útsýnishlaup um bæinn Taormina og Castemola.
U.þ.b. 15 km / 880 m hækkun

Dagur 3 - Mánudagur 12. apríl

Hlaup: Etna þjóðgarðurinn.

U.þ.b. 19 km / 1200 m hækkun

Dagur 4 - Þriðjudagur 13. apríl

Hlaup: Cava Grande del Cassibile.
U.þ.b. 15-19 km / 800-1000 m hækkun.

Dagur 5 - Miðvikudagur 14. apríl

Hvíldardagur. Möguleiki að fara í 2ja tíma bátsferð fyrir þá sem vilja. Ekki innifalið í verði.

Dagur 6 - Fimmtudagur 15. apríl

Hlaup: Seinni dagurinn í Etna þjóðgarðinum
U.þ.b. 24,5 km /1500 m hækkun

Dagur 7 - Föstudagur 16. apríl

Hlaup: Gole dell’Alcantara
U.þ.b. 20 km / 740 m hækkun

Dagur 8 - Laugardagur 17. apríl

Brottfarardagur. Rútuferð seinnipartinn frá Taormina á flugvöllinn í Cartania.

Myndir

Sikiley 2027

Apríl 2027
Dagsetningar: 10.-17. apríl 2027
Skráning er opin
Verð: 298.000 kr.
Verð fyrir áskrifendur: 288.000 kr.
Lengd: 8 dagar
Hópastærð: 14-20
Fararstjórar: Dagmar Heiða Reynisdóttir og Anna Sigríður Arnardóttir.
Tengiliður/nánari upplýsingar: [email protected]

Bóka ferð