Marokkó 2026

Komdu með í nýtt ævintýri! Hentar flestum getustigum.

Október 2026
Skráning er opin
Verð: 294.000 kr.
Verð fyrir áskrifendur: 279.000 kr.
Lengd: 8 dagar (með ferðadögum)
Dagsetningar: 22.-29 október 2026
Hópastærð: 14-28

Dagar Dagur

Klst Klst

mín Mín

seconds second

Skrá mig í ferð

Upplifðu Marokkó

Komdu með í einstakt ævintýri í hinum stórfenglegu Atlasfjöllum ⛰️ . Við bjóðum upp á getuskiptar hlaupa- og gönguleiðir í 2.000 til 3.000 metra hæð. Eitthvað fyrir flest getustig.

Lúxus á miðri leið: Á öllum fimm dagleiðunum er eldaður hádegismatur á miðri leið. Múlasnar bera matinn, en farangur er fluttur á milli staða með bílum.
Veðurfar: Hitastig er yfirleitt um 15- $20^\circ$ C í fjöllunum, en nær 30^\circ">30°C í Marrakech.
Gisting og fæði: Fullt fæði er innifalið nánast alla daga. Gist er í notalegum fjallakofum í tvær nætur, en yfir hinar næturnar er gist í vönduðum tveggja manna herbergjum með sturtu og salerni.
Umbreyting: Innifalin markþjálfun (valkvæð) sem Örn Haraldsson sér um. Sjá neðar.
Rúsínan í pylsuendanum: Síðasti dagurinn er frídagur í hinni heillandi Marrakech.

Í þessari mögnuðu ferð upplifum við fjallafegurð sem er gjörólík þeirri íslensku, kynnumst framandi menningu, dásamlegu fólki og magnaðri matargerð.

Fimm dagsleiðir í fjöllunum: Hægt að velja um að ganga eða hlaupa og velja mislangar leiðir þrjá daga af fimm en yfirleitt töluverð hækkun og lækkun. Hentar því breiðum hóp en nauðsynlegt að hafa reynslu af fjallahlaupum eða fjallgöngum.

Nýttu ferðina til að vaxa

Í Marokkó gefst dýrmætur tími til að staldra við. Við bjóðum upp á markvissa markþjálfun í samstarfi við Örn Haraldsson (ornharaldsson.is). Hér færðu tækifæri til að nýta kyrrðina og orkuna í fjallaloftinu til að vinna í þínum málum í gegnum 10–30 mínútna samtöl. Hvort sem það eru ný markmið eða hrein og tær sjálfsskoðun, þá er markþjálfunin sniðin að þörfum hvers og eins. Þetta er innifalin en valkvæð þjónusta.

Hver er Örn Haraldsson?

Örn Haraldsson er einn af reyndustu markþjálfum landsins og sérhæfir sig í teymis- og stjórnendaþjálfun (ornharaldsson.is). Hann er þekktur fyrir nærveru sína, hlýju og hnitmiðaða spurningatækni sem hjálpar fólki að sjá hlutina í nýju ljósi. Örn hefur áratuga reynslu af því að styðja við fólk í breytingum og áskorunum, og er sjálfur mikill áhugamaður um hreyfingu og útivist. Hann verður með í för í Marokkó, tilbúinn að hlaupa (eða ganga) með þér hluta af leiðinni og rýna í það sem skiptir þig máli.

Fyrir hverja

Fyrir hverja er ferðin?

Ferðin hentar göngufólki sem gengur reglulega fjöll eins og Esjuna og náttúruhlaupurum sem eru með fjallagrunn. Ekki er krafist mikils hraða en mikilvægt er að fólk sé vel undirbúið og ráði við að vera á fótum lengi, nokkra daga í röð. Öll sem hafa æft með appelsínugulum, vínrauðum, fjólubláum, gráum eða grænum hópi í Náttúruhlaupum ættu að ráða við ferðina. Gullgul sem fara reglulega í fjallgöngur geta einnig tekið þátt, séu þau vel undirbúin.

Hraðinn verður þægilegur og tryggt verður að allir fái að njóta sín. Ef getustig verður breitt, munu Kjartan og Birkir leiða hvor sinn hlaupahópinn og Mohamed gönguhópinn.

Fararstjórn

Hópurinn mun njóta leiðsagnar Kjartans, Birkis og Mohamed. Kjartan hefur áður ferðast um Atlastfjöllin og er þaulvanur fararstjóri. Birkir fór í prufuferð með innfædda fararstjóranum Mohamed og saman hafa þeir farið allar leiðirnar. Birkir er vanur fararstjóri og auk þess með BS í sjúkraþjálfun. Mohamed hefur starfað í fullu starfi sem fararstjóri í heimalandi sínu í 14 ár.

Fararstjórarnir tryggja að allir í ferðinni upplifi öryggi og njóti sín allan tímann. Birkir og Kjartan munu leiða getuskipta hlaupahópa en gönguhópurinn fær að njóta sérþekkingu Mohamed.

Innifalið í verði:

Fararstjórn (tveir íslenskir fararstjórar og einn innfæddur)

Gisting í 7 nætur. Fjórar nætur í tveggja manna herbergjum og tvær nætur í fjallskálum (mörg deila herbergi).

5 hlaupadagar, að meðaltali 4,5 - 6 tímar hvern dag, 16-18 km, 950-1450 m hækkun.

Morgunverður innifalinn alla daga. Hádegismatur og kvöldmatur innifalinn fimm daga.

Öll keyrsla og trúss í ferðinni fyrir utan flugvallar transfer og stuttan leigubíla akstur á einum hlaupadegi fyrir þau sem óska eftir að stytta.

Ekki innifalið í verði:

Flug (við munum mæla með flugum)

Drykkir með kvöldmatnum

Flugvallartransfer frá flugvelli í Marrakesh er ekki innifialið (15 mín í leigubíl) þar sem fólk kemur og fer líklegast á mismunandi tímum dags.

Stutt leigubílaferð á einum hlaupdegi fyrir þau sem óska eftir að stytta.

Dagskrá ferðarinnar

Athugið að dagskrá og leiðir gætu breyst að einhverju leyti.

Dagur 1

Ísland – Marrakech

Fimmtudagur 22. október

Ferðast til Marokkó. Við komum okkur fyrir á 4* hóteli í Marrakesh og borðum þar saman kvöldmat.

Dagur 2

Imi Ourhlad - Ait Aissa

Föstudagur 23. október

Eftir morgunmat á hótelinu er okkur ekið í Atlasfjöllin. Ferðalagið tekur um 1,5 klst og við förum beint í fyrsta hlaupið/gönguna. Við gistum í fjallagesthúsi þar sem nokkur sofa saman í herbergi; sturtur og klósett eru sameiginleg. Farangur er trússaður með bílum en á miðri leið borðum við hádegismat. Allir getuhópar fara sömu leiðina þennan dag en við förum úr um 1300m hæð í 2000m hæð og notum daginn til að venjast hæðinni.

Um 12 km með 6-700 m hækkun og 2-300m lækkun.

Dagur 3

Ait Aissa - Imlil

Laugardagur 24. október

Nú förum við frá fjallabænum Ait Aissa og förum í hinn fræga bæ Imlil sem er eins konar grunnbúðir fyrir fólk sem ætlar að fara Toubkal, hæsta tind Marokkó. Farið verður upp á Tassgimout tindinn þaðan sem útsýni er í allar áttir. Við borðum hádegismat í Tizi Mzik þar sem við horfum yfir dalinn sem geymir Imlil. Þennan dag geta hraðari hlauparar farið lengri leið. Við endum í Imlil þar sem gist verður tvær nætur í röð í Gite eða gistihúsum í tveggja manna herbergjum með sturtu og klósetti. Við borðum saman kvöldmat á gistihúsinu.

Styttri leiðin: Um 15km með um 800m hækkun og lækkun.
Lengri leiðin: Um 21km með um 1300 m hækkun og lækkun.

Dagur 4

Hringferð frá Ilmlil

Sunnudagur 25. október

Eftir morgunmat, förum við á stígana og kynnumst mögnuðu landslagi og borðum hádegismat á fallegum útsýnisstað. Þetta kvöld má skoða Ilmil bæinn. Kvöldmatur er ekki innifalinn og fólk velur sér veitingastað sjálft.

Styttri leið: 13km, um 500m hækkun og 600m lækkun (taka þarf leigubíl síðasta spottann. Við munum sjá um það fyrir ykkur en hver og einn þarf að greiða fyrir sig.)
Lengri leið: 20km 700m hækkun og lækkun. Hér er hlaupið alla leið í bæinn aftur og ekki er þörf á leigubíl.

Dagur 5

Imlil – Tacheddirt

Mánudagur 26. október

Eftir góðan morgunmat yfirgefum við Imlil og förum í hæsta þorp Marokkó, Tacheddirt, þar sem við munum gista í fjallaskála þar sem nokkur deila herbergi; klósett og sturtur eru sameiginlegar. Farangur er trússaður með bílum og hádegisverður á miðri leið verður á sínum stað. Á leiðinni förum við upp á hæsta tindinn í ferðinni, um 3.300m. Tacheddirt er heillandi fjallaþorp, umkringt tignarlegum fjöllum. Við borðum kvöldverð saman á þessum fallega stað.

Ein leið í boði fyrir alla þátttakendur: Um 13km, 1000m hækkun og 500m lækkun.

Dagur 6

Tacherddirt – Imsker og akstur til Marrakesh

Þriðjudagur 27. október

Eftir morgunmat fara hraðari hlaupararnir góðan rúnt um þetta fallega fjallasvæði áður en þeir fara síðan sömu leið og hinir. Þessi leið er að mestu niður á móti og við förum í gegnum nokkur fjallaþorp og sjáum síðan glæsileg rauðleit fjöll. Hingað til hefur verið töluvert um hækkanir en síðasta dagleiðin er fullkominn endir með þægilegri leið sem er mest megnis niður á móti.

Á leiðarenda taka bílarnir á móti okkur og við keyrum í um 1,5 klst aftur til Marrakesh. Þar gistum við tvær nætur á 4* Riad staðsett miðsvæðis í gamla bænum (Medina). Riad er bygging þar sem gat er í miðjunni til að hleypa sólarljósi inn og gluggar opnast aðeins þangað en engir gluggar eru í útveggjum. Við borðum kvöldmat saman á gististaðnum okkar og þau sem vilja geta kíkt í miðbæinn sem er ávallt líflegur.

Styttri leiðin: Um 17km, 100m hækkun og 1000m lækkun.
Lengri leiðin: Um 28 km, 350m hækkun og 1200m lækkun

Dagur 7

Marrakesh - frídagur

Miðvikudagur 28. október

Eftir sameiginlegan morgunmat er frjáls dagur í hinni litríku Medina, gömlu miðborg Marrakesh. Þau sem vakna snemma geta tekið síðasta hlaupatúrinn í Marrakesh fyrir heimferð. Birkir býður upp á stuttan túr um miðbæinn fyrir þau sem vilja en fólk getur nýtt daginn eins og það vill og borðað hádegismat og kvöldmat á veitingastöðum í miðbænum.

Hægt er að skoða miðbæinn, sem er frægur fyrir krydd, leðurhandverk, mottugerð og matarmarkaði. Einnig má fara í nudd eða Hammam en á Riadinu okkar er Spa þar sem hægt er að gera hvoru tveggja.

Þó Marokkó sé múslímskt land, er það talið frekar frjálslegt og auðvelt er að finna veitingastaði í Marrakesh sem bjóða upp á áfenga drykki og maturinn er dásamlegur.

Dagur 8

Marokkó - Ísland

Fimmtudagur 29. október

Nú er komið að heimferð eftir dásamlega dvöl í Marokkó. Morgunmatur á Riadinu er innifalinn en fólk útvegar sjálft leigubíl á flugvöllinn. Ef einhver vill lengja ferðalagið, ráðleggjum við að lengja í þennan enda og dvelja aðeins lengur í hinni töfrandi borg Marrakesh.