Því miður náðist ekki lágmarksfjöldi í þessa ferð. Því er búið að breyta henni í æfingaferð sem er töluvert ódýrari (249.000 kr í staðinn fyrir 324.000 kr) en ekki jafn mikið innifalið.
Þó er flug, hótel og 5 dagsferðir innifaldnar en boðið verður upp á lengri/fleiri vegalengdir og aukin krafa gerð á sjálfstæði á hlaupaleiðunum.
Skoðið æfingaferðina hér eða með því að smella á skráningarhnappinn.
Athugið að greiða þarf staðfestingargjald (62.000 kr) fyrir 2. desember.
Dagar Dagur
Hrs Hrs
mín Mín
seconds second
Náttúruhlaup bjóða upp á ferð til þessa vinsæla áfangastaðar. Sólríku Kanaríueyjunnar í suðri, Tenerife! Birkir og Gunnur munu hlaupa fjölbreyttar leiðir með hópnum. Margir vita að strendurnar eru dásamlegar á Tenerife og veðrið er alltaf gott.
Færri hafa þó uppgötvað hversu stórbrotið og fallegt landslagið er á eyjunni en hún er draumastaður náttúruhlaupara sem vilja skoða sig um á fjölbreyttum og góðum stígum. Komdu með og uppgötvaðu þessa paradís náttúruhlaupara í skemmtilegum félagsskap!
Boðið verður upp á fimm hlaupa á mismunandi stöðum á eyjunni og einn frjálsan dag inn á milli þar sem má sleikja sólina og slaka á eða gera eitthvað annað úr deginum. Allar leiðir eru 10-15 km langar á mismunandi náttúrustígum.
Gist verður á fjögurra stjörnu hóteli í Los Christianos (nálægt Amerísku ströndinni) en sú staðsetning er einstaklega hentug því þar er flott fjalllendi (Montana de Guaza) og náttúrustígar í göngufæri fyrir þá sem vilja hlaupa eða ganga meira. Beint flug og matur flesta daga er einnig innifalið í verðinu.
Lagt verður upp með að njóta allan tímann og því hentar ferðin flestum getustigum Náttúruhlaupa.
Ferðin er hugsuð sem skemmtilegt og þægilegt frí fyrir hlaupara af öllum getustigum og reynslumikið göngufólk.
Leiðirnar verða sérstaklega merktar fyrir hópinn og því geta allir farið á sínum hraða, hvort sem viðkomandi vill hlaupa frekar hratt eða hægt.
Í frítíma sínum hefur fólk val um að bæta við vegalendir á skemmtilegu stígasvæði í grennd við hótelið.
Tenerife býður upp á ótrúlega fjölbreytt og stórbrotið landslag. Allt frá töfrandi skógum í stórkostlega fjallasýn. Eins og Ísland, er Tenerife eldfjallaeyja og minnir hraunið á heimahaga en annað má segja um veðrið. Hiti er 20-25°C við hótelið en hlaupin/göngurnar fara fram í fjalllendi Tenerife þar sem er um 15°C hiti.
Við hlaupum/göngum í Teide þjóðgarðinum (2000m) þar sem horft er niður á skýin og hlaupið í mögnuðu hraunlögðu fjalllendi á dásamlegum stígum. Einnig könnum við græna hluta eyjunnar í norðri og hlaupum um kynngimagnaða stíga Anaga þjóðgarðsins!
Allar leiðir eru 10-15 km og samanlögð hækkkun er yfirleitt 400-600 m. Meðaltals vegalengd er 12 km og meðaltals hækkun 480 m.
Þeir sem vilja hlaupa meira, hafa ótrúlega skemmtilegt „leiksvæði“ nálægt hótelinu sem kynnt verður fyrir áhugasömum. Montana de Guaza stígakerfið er mjög fjölbreytt og skemmtilegt og hinum megin við fjalllendið (Palm Mar) er að finna æðislegt náttúrusvæði með fullt af stígum og litlum hæðum.
Fararstjórar eru Birkir Már Kristinsson og Gunnur Róbertsdóttir
Þau eru bæði sjúkraþjálfarar að mennt og reynslumiklir hlaupaþjálfarar. Gunnur er auk þess menntuð leiðsögukona. Hún sér um byrjendur á grunnnámskeiði NH og tekur vel á móti hægari hlaupurum á meðan Birkir leyfir hraðari hlaupurum að fá útrás.
Það er alltaf líf og fjör í kringum þau Birki og Gunni.
Dagskrá: Ath. Breytingar geta orðið á dagskrá, hvað varðar lengd og uppröðun hlaupaleiða.
Boðið verður upp á 5 fjölbreytta hlaupadaga á mismunandi stöðum á eyjunni og einn frjálsan dag inn á milli.
Allar leiðir eru 10-16 km langar á mismunandi náttúrustígum. Oft er um töluverðar hækkanir að ræða á leiðunum og því reyna þær á þó vegalengdir séu ekki lengri en þetta.
Dagsferðirnar eru mislangar en yfirleitt er lagt af stað frá hótelinu um 9:00 og komið aftur milli 14-18. Oftast nær fólk því að sleikja sólina eftir hlaupið á þaki hótelsins eða við sundlaugasvæðið fyrir kvöldmat á hótelinu þar sem fjölbreyttur matur er í boði.
Á frídeginum má t.d. hlaupa á skemmtilegum stígum í nágrenni hótelsins, fara á ströndina, fara í gokart, bátsferð eða versla í stórri verslunarmiðstöð ekki langt frá hótelinu.
Ég mæli með Tene-ferð NH fyrir alla þá sem vilja njóta þess að hlaupa í stórbrotinni náttúru og þægilegum hita.
Tímasetning ferðarinnar er frábær til að brjóta upp íslenska veturinn.
Skipulag og fararstjórn eru til fyrirmyndar sem og upplýsingagjöf dag hvern.
Hlaupaleiðirnar eru fjölbreyttar og hægt er að einstaklingsmiða vegalendir og tíma eftir ólíkum þörfum.
Stóri bónusinn er síðan allir nýju hlaupavinirnir sem þú eignast 😊
Frábær fararstjórn og félagsskapur í fjölbreyttu landslagi. Gaman hvað hægt var að sníða dagskrána að fjölbreyttum hópi hlaupara.
Frábært fólk, skemmtilegar hlaupaleiðir í fallegu umhverfi.
Geggjað að komast í sól og hita í Febrúar. Mæli með.
Takk fyrir mig
Dásamleg ferð í alla staði.
Farið var um víðan völl og hlaupið í mjög fjölbreyttri náttúru á skemmtilegum stígum.
Fararstjórarnir voru traustir og skemmtilegir og buðu upp á frábæran sveigjanleika í vegalengdum.
Nóg að borða, yndislegur félagsskapur og tóm gleði.
Takk fyrir mig.
"*" indicates required fields
"*" indicates required fields