Við eigum það öll sameiginlegt að elska að njóta náttúrunnar á hlaupum í góðum félagsskap. Við erum líka stöðugt að skora á okkur sjálf og fara út fyrir þægindahringinn með því til dæmis að fara lengra og/eða hraðar. 

 

Því langar okkur að bjóða þér að fara út fyrir þægindahringinn þinn og taka þátt í fyrsta Landvættahóp Náttúruhlaupa. Halldóra Gyða Matthíasdóttir Proppé mun hafa umsjón með hópnum. Halldóra býr yfir áralangri reynslu af því að stunda og keppa í Landvættagreinunum og er meðal annars Landvættur nr. 8. Henni til aðstoðar verða reyndir þjálfarar og íþróttafólk með sérhæfingu í hverri grein. 

 
 

Landvættir-áherslur

Landvætturinn gengur út á að klára eina þraut í hverjum landsfjórðungi Íslands. Gönguskíðakeppni á Vesturlandi, náttúruhlaup á Norðurlandi, víðavatnssund á Austurlandi og fjallahjól á Suðurlandi.  Til að geta orðið Landvættur þá þarf að ljúka öllum þrautunum fjórum innan 12 mánaða og verður viðkomandi þá félagi og fær félaganúmer eftir að hafa lokið síðustu keppninni. Nú þegar eru 515 félagar í Landvættinum.  

Sjá nánar hér: http://landvaettur.is/

Hópurinn hefur göngu sína 1. nóvember og mun æfa saman í níu mánuði fyrir Landvættaþrautirnar fjórar.

Fossavatnsgangan – 50 km skíðaganga
(17. apríl 2021)

Bláalónsþrautin – 60 km fjallahjólaleið
(12. júní 2021)

Þorvaldsdalsskokkið – 25 km fjallahlaup
(3. júlí 2021)

(Eða Jökulsárhlaupið – 33 km
(7. ágúst 2021))

Urriðavatnssundið – 2.5 km sund í vatni
(24. júlí 2021)

Allar þrautirnar eiga það sameiginlegt með Náttúruhlaupum að vera stundaðar úti í náttúrunni og eru því frábær viðbót við markmið og gildi Náttúruhlaupa.

Dagskrá Hlaupasamfélags Náttúruhlaupa í Landvætum

Mánudagar kl. 17:30: Gæðaæfing

Þriðjudagar kl. 17:30: Gæðaæfing

Miðvikudagar kl. 17:30: Gæðaæfing

Fimmtudagar kl. 17.30: Fjallaæfing 

Laugardagar kl. 9:00: Upplifunaræfing Hlaupasamfélagsins (getuskiptir hópar)

Upplýsingar

  • Hópæfingar í 9 mánuði  (1. nóvember 2020 – 31. júlí 2021)
  • Verður að vera meðlimur í Hlaupasamfélagi Náttúruhlaupa
  • Ein þrautaræfing á viku, sérstakar tækniæfingar í hverri grein, reglulegir fyrirlestrar og fræðsla um m.a. tækni, búnað, keppnisundirbúning og næringu.
  • Sérstök æfingaáætlun fyrir hverja grein. 
  • Fagleg þjálfun. Halldóra Gyða Matthíasdóttir Proppé mun hafa umsjón með hópnum. Henni til aðstoðar verða reyndir þjálfarar og íþróttafólk með sérhæfingu í hverri grein.
  • Verð: 149.800 kr. (12 mánaða áskrift í Hlaupasamfélagi Náttúruhlaupa innifalin). Verð fyrir meðlimi hlaupasamfélagsins: 99.900 kr.
109815165 10158729692824558 6250463922847272544 n

Uppbygging

Innifalið í prógramminu er ein sameiginleg þrautaæfing á viku. Einnig verður boðið upp á sérstakar tækniæfingar í hverri grein með þrautreyndum gönguskíða-, sund- og hjólaþjálfurum.  Reglulegir fyrirlestrar og fræðsla um m.a. tækni, búnað, keppnisundirbúning og næringu. Boðið verður upp á sameiginlegar æfingahelgar á góðum kjörum fyrir Landvættahópinn.

Hlaupasamfélag Nátttúruhlaupa býður upp á fimm sameiginlegar hlaupaæfingar á viku og hópa fyrir öll getustig með reyndum leiðtogum og þjálfurum. Þátttakendur í Landvættahópnum fá einnig sérstakt hlaupaprógram til að undirbúa sig sérstaklega fyrir hlaupaþrautina.

Félagar í Hlaupasamfélaginu fá fríðindakort Náttúruhlaupa í Síminn Pay sem veitir afslætti í mörgum helstu útivistarverslunum landsins, árlega gjöf Náttúruhlaupa og sérkjör í allar auglýstar ferðir á vegum Náttúruhlaupa. 

Þátttakendur Landvættahóps Náttúruhlaupa fá einnig flotta æfingaflík frá 66°Norður.

IMG 9344
merki landvaettur2


LANDVÆTTARÞRAUTIRNAR

  • Hópskráning (frátekin pláss) verður í Fossavatnsgönguna, Bláa lóns þrautina og Þorvaldsdalsskokkið. 
  • Þeir sem vilja frekar taka þátt í Jökulsárhlaupinu þurfa að sjá um skráningu sjálf, þegar skráning opnar.
  • Allir þurfa að skrá sig sérstaklega í Urriðavatnssundið, þegar skráning opnar.
  • Keppnisgjöld eru ekki innifalin í verði.

Þjálfarar og aðstoðarþjálfarar

Halldora

 

Halldóra Proppé Matthíasdóttir

Yfirþjálfari

Elísabet Margeirsdóttir Leiðtogi

 

Elísabet Margeirsdóttir

Aðstoðarþjálfari

Sigurdur Orn Ragnarsson sundthjalfari

 

Sigurður Örn Ragnarsson

Sundþjálfari

Helga Maria

 

Helga María Heiðarsdóttir

Aðstoðarþjálfari

Saevar Birgissson gonguskidathjalfari

 

Sævar Birgisson

Gönguskíðaþjálfari

Pall Olafsson 2 1

 

Páll Ólafsson

Aðstoðarþjálfari

Sigridur Sigurdardottir

 

Sigríður Sigurðardóttir

Aðstoðarþjálfari

Skráning fer fram hér. Með því að smella á skráningarhnappinn, opnast skráningarsíða Náttúruhlaupa á Nóra. Þar þarf að skrá sig inn með rafrænum skilríkjum. Ef þið hafið ekki notað Nórann áður, þarf að stofna sig sem forráðamann og síðan stofna barnið sem iðkanda. Síðan smella á iðkanda og þá er hægt að sjá hvaða námskeið eru í boði og klára skráninguna.