Laugavegurinn 2022

Klassískt ævintýri! Frábær leið til að njóta þessa magnaða landsvæðis.

Bæði fyrir fólk sem dreymir um að taka þátt í Laugavegs keppninni og aðra sem vilja njóta þess að hlaupa þessa stórkóstlegu leið á tveim dögum.

Laugavegurinn 2022

ágú, 2022
Verð:
108.900 kr.
Skráning opin
Lengd:
2 dagar
Skráning opin
Ferð
hefst eftir
00
Daga
:
00
Klst
:
00
Min
Dagsetningar 3.-4. ágúst 2022
Erfiðleikastig Nokkuð erfitt
Hópastærð 20 (hámark)
Verð fyrir ársáskrifendur Náttúruhlaupa 99.900
Almennt verð 108.900 kr.
Fararstjórar Gunnur Róbertsdóttir og Birkir Már Kristinsson
Tengiliður/nánari upplýsingar [email protected]
Skráðu þig í hlaupaferð
Hlauptu Laugaveginn

Hlauptu Laugaveginn á tveim dögum!

Fyrsta daginn er hlaupið frá Landmannalaugum að Hvanngili. Vegalengd 27 km:

  • Landmannalaugar-Hrafntinnusker eru 10 km og mesta hækkunin 500 m.
  • Í Hrafntinnuskeri er stutt stopp, hægt að komast á þurrsalerni og fylla á vatnsbrúsa.
  • Hrafntinnusker-Álftavatn er 12 km leið, í Álftavatni er ekki stoppað en möguleiki á salernisstoppi og fylla á vatnsbrúsa.
  • Álftavatn-Hvanngil er 5 km leið og þar er kærkomið vað sem kælir kálfana.

Annan daginn er hlaupið aðra 27 km frá Hvanngili að Volcano Huts í Húsadal.

  • Stuttu eftir Hvanngil þverum við Bláfjallakvísl, því næst njótum við Sandanna og stoppum stutt í Emstrum. Þar eru vatnssalerni og hægt að fylla á vatnsbrúsana.  13km.
  • Frá Emstrum liggur leiðin meðfram Markarfljótsgljúfri og skömmu fyrir Þórsmörk þverum við Þröngá, þá taka á móti okkur skógarnir og við endum í Húsadal í Þórsmörk.
Fyrir hverja?
  • Fyrir alla sem treysta sér að skokka u.þ.b. 27 km tvo daga í röð. 
  • Ekki er gerð krafa um hraða og hægt verður að fara á mismunandi hraða eftir getu. 
  • Mikið stoppað og notið á leiðinni.

Gunnur Róbertsdóttir og Birkir Már Kristinsson

Gunnur er þjálfari hjá Náttúruhlaupum, löggiltur lögsögumaður og sjúkraþjálfari. En fyrst og fremst er hún dásamlega hress og vinaleg manneskja.

Birkir Már er reyndur hlaupaleiðsögumaður og þjálfari hjá Náttúruhlaupum. Hann elskar að hlaupa í náttúrunni.

Innifalið í verði:

  • Ferðir fram og til baka með rútu
  • Gisting í Hvanngili (kojur með dýnum, nauðsynlegt að koma með svefnpoka).
  • Trúss fyrir farangur
  • Matur (kvöldmatur á degi 1., morgunmatur og hádeigisnesti á degi 2). 
  • Leiðsögn tveggja leiðsögumanna Náttúruhlaupa. 
  • Sturta/gufa/klósettaðstaða í Volcano Huts
  • Gott veður (grín…en vonum það besta 😀)

Ekki innifalið í verði:

  • Svefnpoki og koddi
  • Hádegismatur/hlaupanesti á degi 1
  • Kvöldmatur á degi 2 (má kaupa í sjoppu á Hvolsvöllum)
3. ágúst (miðvikudagur)
Dagur 1
– Við mætum kl. 07:45 hjá Húsgagnahöllinni Bíldshöfða. Okkar rúta leggur af stað kl. 08:00 í Landmannalaugar.

– Þegar þangað er komið, borðum við hádeigismat í skálanum okkar eftir að hafa komið okkur vel fyrir.

– Hlaupið um Hrafntinnusker og Álftavatn. Vegalengd 27 km

– Við komuna í Hvanngil bíða töskurnar okkar og við getum farið í sturtu. Síðan elda leiðsögumennirnir góðan mat og við gistum öll í skálanum að Hvanngili. Áður en við förum að sofa förum við yfir dagskrá næsta dags.
3. ágúst (miðvikudagur)
4. ágúst (fimmtudagur)
Dagur 2
– Sameiginlegur morgunmatur og kaffi. Fólk smyr sér nesti og tekur með í bakpokum sínum. Upphitun og förum yfir hvernig við þverum ár.

– Við förum 27 km leið inn í Húsadal. Þar bíða okkar töskurnar og við förum í sturtu og gufu. Þeir sem vilja geta fengið sér bjór eða aðra hressingu í Volcano Huts (ekki innifalið).

– Brottför frá Volcano Huts 17:00. Stoppað í sjoppunni Hvollsvöllum þar sem hægt er að kaupa sér léttan kvöldmat.
4. ágúst (fimmtudagur)
Myndir

Myndir

1 2
Spurningar og svör

Spurningar og svör

Spurðu spurningar