Þetta er dekurferð fyrir konur á öllum aldri 😀
Við gistum í okkar eigin skála í Volcano Huts og borðum á veitingastaðnum. Þórsmörk er töfrandi staður og við skoðum þessa dýrlegu náttúru í þrem hlaupum og leggjum áherslu á að njóta.
Á kvöldin þegar búið er að hlaupa, fara í sturtu/sauna og borða kvöldmat, hlustum við á erindi frá Sigríði Huldu sem gefur okkur verkfæri til að takast á við áskoranir og njóta lífsíns enn frekar.
Það er ekki annað hægt en að koma frá þessari ferð full af gleði, hamingju og endurnýjaðri orku.
Lykilþættir fyrir vellíðan og árangur.
Farið yfir nokkra hagnýta þætti sem styðja við vellíðan og árangur og tengjast lífsstíl, hugsunum, venjum og viðhorfum okkar.
,,Mér líður vel” – hvað þarf til þess?
Við skoðum reynslu okkar og samspil líðan og umhverfis. Hvað hefur áhrif á okkur, hverju höfum við stjórn á og hvernig mætum við því sem við höfum ekki stjórn á?
Sigríður Hulda Jónsdóttir, MA og MBA, eigandi SHJ ráðgjafar
Sigríður Hulda er eigandi SHJ ráðgjafar sem sérhæfir sig í fræðslu og ráðgjöf fyrir vinnustaði og hópa. Sigríður er með MA gráðu í náms- og starfsráðgjöf með áherslu á starfs- og atvinnulífsþróun, MBA í stjórnun og viðskiptum, BA í uppeldis- og menntunarfræði og kennsluréttindi, allt frá Háskóla Íslands. Nánar má sjá um Sigríði Huldu á heimasíðu hennar.
Gunnur er þjálfari hjá Náttúruhlaupum, löggiltur lögsögumaður og sjúkraþjálfari. En fyrst og fremst er hún dásamlega hress og vinaleg manneskja. Annar kvk þjálfari frá Náttúruhlaupum verður með henni.
Skráðu þig á póstlista Náttúruhlaupa og fáðu vita um leið og við opnum fyrir skráningu á námskeiðum, setjum út nýjar ferðir eða gerum eitthvað annað spennandi. Öll tækifærin beint í innhólfið 😊
Þessi síða notar fótspor (e. cookies) vegna nauðsynlegrar virkni hennar og til að safna tölfræðigögnum með þeim tilgangi að gera síðuna betri.
