Tenerife 2023
Hvað er betra en að brjóta veturinn upp með því að fara í sólarlandafrí?
Aðeins eitt…
að hlaupa eða ganga í fallegri og fjölbreyttri náttúru á milli þess sem slakað er á við sundlaugarbakkann eða á ströndinni 😎
Leiðirnar verða merktar þannig að hægt er að hlaupa á eigin hraða og einnig ganga.
Tenerife fyrir öll getustig!
Náttúruhlaup bjóða í fyrsta skipti upp á ferð til þessa vinsæla áfangastaðar. Sólríku Kanaríueyjunnar í suðri, Tenerife! Birkir, Elísabet og Gunnur munu hlaupa fjölbreyttar leiðir með hópnum. Margir vita að strendurnar eru dásamlegar á Tenerife og veðrið er alltaf gott. Færri hafa þó uppgötvað hversu stórbrotið og fallegt landslagið er á eyjunni en hún er draumastaður náttúruhlaupara sem vilja skoða sig um á fjölbreyttum og góðum stígum. Komdu með og uppgötvaðu þessa paradís náttúruhlaupara í skemmtilegum félagsskap!
Boðið verður upp á 5 hlaupa/göngudaga á mismunandi stöðum á eyjunni og einn frjálsan dag inn á milli þar sem má sleikja sólina og slaka á eða gera eitthvað annað úr deginum. Allar leiðir eru 10-15 km langar á mismunandi náttúrustígum. Gist verður á 4* stjörnu hóteli í Los Christianos (nálægt Amerísku ströndinni) en sú staðsetning er einstaklega hentug því þar er flott fjalllendi (Montana de Guaza) og náttúrustígar í göngufæri fyrir þá sem vilja hlaupa eða ganga meira. Beint flug og matur flesta daga er einnig innifalið í verðinu.
Lagt verður upp með að njóta allan tímann og því hentar ferðin öllum getustigum Náttúruhlaupa.
Fyrir hverja er ferðin?
Ferðin er hugsuð sem skemmtilegt og þægilegt frí fyrir hlaupara af öllum getustigum og reynslumikið göngufólk.
Leiðirnar verða sérstaklega merktar fyrir hópinn og því geta allir farið á sínum hraða, hvort sem viðkomandi vill hlaupa frekar hratt eða ganga leiðirnar.
Í frítíma sínum hefur fólk val um að bæta við vegalendir á skemmtilegu stígasvæði í grennd við hótelið.
Umsagnir
Tenerife býður upp á ótrúlega fjölbreytt og stórbrotið landslag. Allt frá töfrandi skógum í stórkostlega fjallasýn. Eins og Ísland, er Tenerife eldfjallaeyja og minnir hraunið á heimahaga en annað má segja um veðrið. Hiti er 20-25°C við hótelið en hlaupin/göngurnar fara fram í fjalllendi Tenerife þar sem er um 15°C hiti.
Við hlaupum/göngum í Teide þjóðgarðinum (2000m) þar sem horft er niður á skýin og hlaupið í mögnuðu hraunlögðu fjalllendi á dásamlegum stígum. Einnig könnum við græna hluta eyjunnar í norðri og hlaupum um kynngimagnaða stíga Anaga þjóðgarðsins!
Allar leiðir eru 10-15 km og samanlögð hækkkun er yfirleitt 400-600 m. Meðaltals vegalengd eru 12 km og meðaltals hækkun 480 m.
Þeir sem vilja hlaupa meira, hafa ótrúlega skemmtilegt „leiksvæði“ nálægt hótelinu sem kynnt verður fyrir áhugasömum. Montana de Guaza stígakerfið er gríðarlega fjölbreytt og skemmtilegt og hinum megin við fjalllendið (Palm Mar) er að finna æðislegt náttúrusvæði með fullt af stígum og litlum hæðum.
Hópurinn mun njóta leiðsagnar Birkis Más Kristinssonar. Birkir er sjúkraþjálfari að mennt og framkvæmdarstjóri Náttúruhlaupa. Birkir mun bjóða upp á teygju- og hlaupastílstíma á frídeginum fyrir þá sem vilja. Hann leggur áherslu á að fólki líði vel og njóti upplifunarinnar í botn.
Með í för verða hlaupaþjálfararnir Elísabet Margeirsdóttir og Gunnur Róbertsdóttir og munu þær aðstoða við að leiða eða fylgja hópnum aftast.
Innifalið í verði:
- Beint flug flug með Play (Ein innrituð 20 kg taska)
- Fararstjórn
- Gisting á 4 stjörnu hóteli í 7 nætur
- Akstur á milli flugvallar og hótels við komu og brottför
- 5x rútuferðir/dagshlaupaferðir
- Fullt fæði flesta daga
- Aðgangur að Forestal Park Zip Line garði.
Ekki innifalið í verði:
- Drykkir
- Hádegismatur á degi 3 og 5
- Kvöldverður á degi 5
- Ferðatryggingar
Ísland – Tenerife – Los Cristianos
Las Lagunetas og Zip line Garður: 10 km og um 470 m hækkun
Vilaflor – Lunar: 15 km og um 650m hækkun
-Dásemdar dagur þar sem við tökum lengsta hlaupið með mestu hækkuninni (og hlaupum í u.þ.b. 1500 metra hæð) og verðum komin aftur á hótelið seinnipartinn, nægur tími til að skella sér í sólbað fyrir kvöldmat!
Teide Þjóðgarðurinn: 10 km og um 400 m hækkun
Frjáls dagur
Anaga Þjóðgarðurinn: 14 km og um 620 m hækkun
Masca: 10 km hlaup, 280 m hækkun og 780 m lækkun.
Tenerife – Ísland
Pictures
