English site


Bakgarðurinn er fyrir alla

Í anda Náttúruhlaupa geta allir verið með. Þú þarft aðeins að treysta þér til að fara 6,7 km á einum klukkutíma. Hversu oft þú gerir það, er undir þér komið 😁

Náttúruhlaupahringurinn er fyrir þá sem vilja frekar fara einn 6,7 km hring á tímatöku.


Bakgarður Náttúruhlaupa – Iceland Backyard Ultra

Verður haldinn í annað skiptið laugardaginn 18. september 2021. Keppnin verður hefðbundið bakgarðshlaup og fer eftir ákveðinni uppsetningu og reglum (http://backyardultra.com/rules/). Hlaupin verður 6,7km hringur á hverjum klukkutíma. Sá sem hleypur flesta hringi er sá eini sem klárar hlaupið og stendur uppi sem sigurvegari. Til að klára hlaupið verður viðkomandi að klára síðasta hringinn einn. Allir hringir verða ræstir á heila tímanum og er mikilvægt að koma sér á ráslínu tímanlega fyrir hvern hring.

Þessi keppni snýst ekki um hraða. Áherslan er á að njóta náttúrunnar og félagsskapsins. Á milli hringja verður einstök stemmning. Sá sem síðast yfirgefur partýið sigrar 😀


FullColor 1280x1024 72dpi

PHOTO 2020 09 28 13 05 40 1 e1610704990565

Hvað eru bakgarðshlaup (Backyard Ultra)?

Bakgarðshlaup eru tegund ofurhlaupa þar sem þátttakendur verða að hlaupa 6706m (4,167 mílur) á innan við klukkutíma. Hver hringur byrjar alltaf á heila tímanum. Eftir hvern hring má nota tímann sem er eftir af klukkutímanum til að hvílast og undirbúa sig fyrir næsta hring. Þetta er endurtekið á klukkutíma fresti þar til aðeins einn hlaupari er eftir í brautinni og klárar síðasta hringinn einn. Heildarvegalengd hlaupara sem klárar 24 hringi (24 klukkutímar) er 100 mílur (160,8km)




PHOTO 2020 09 28 13 05 14 1

Verðlaun

Þátttöku-/DNF viðurkenning fyrir alla sem taka þátt og sérstök viðurkenning  fyrir þá sem klára 8 hringi (53,6km) eða fleiri. Sá sem klárar Bakgarðshlaupið fær glæsileg verðlaun og viðurkenningu.

Drykkjarstöð og aðstaða fyrir hlaupara verður við Elliðavatnsbæ. Lögð verður áhersla á skemmtilega og fjöruga umgjörð allan daginn. Starfsfólk og sjálfboðaliðar Náttúruhlaupa verða til taks allan daginn fyrir þátttakendur í hvíldartímanum.

Skráning opnar fljótlega á Netskráning.is. Skráningu lýkur á miðnætti 18. september að því gefnu að hlaupið verði ekki orðið fullt (500 þátttakendur samtals í báðum vegalendum). Skráningargjöld verða ekki endurgreidd en hægt að gera nafnabreytingar.


iceland backyard ultra race 1

PHOTO 2020 09 28 13 02 42 2 1

Verð:

Einn hringur með tímatöku: 2.500 kr.

Bakgarður Náttúruhlaupa:  9.900 kr.

Athugið að ársáskrifendur Náttúruhlaupa fá 10% afslátt.

Innifalið í skráningu:

  • Keppnisnúmer, brautarvarsla og tímataka
  • Hressing og veitingar á drykkjarstöð og í lok hlaups
  • Þátttökuviðurkenningar


Samstarfsaðilar



Undirbúningsnámskeið/keppnir undir keppnis- og ofurhlaup á vegum Náttúruhlaupa:

Bakgarður Náttúruhlaupa (ekki námskeið heldur keppni)

Landvættir Náttúruhlaupa

Laugarvegsnámskeið

Ultra prógram

Skipuleggjendur keppninnar: Náttúruhlaup og Arctic Running

Nánari upplýsingar veita: Elísabet Margeirsdóttir (elisabet@natturuhlaup.is) og

Helga María Heiðarsdóttir (helgamaria@natturuhlaup.is)




Deildu gleðinni 🙌